အင်ဒိုနီးရှား အစိုးရ တန်ဖိုးနည်း ဟင်းချက်ဆီ Minyakita ဖြန့်ဖြူးရေး အစီအစဉ်အသစ် ကြေညာ
အင်ဒိုနီးရှား အစိုးရက ထောက်ပံ့ပေးထားလို့ ဈေးသက်သာနေတဲ့ ဈေးနှုန်းများဖြင့် ရောင်းချမယ့် ဟင်းချက်ဆီ ထုပ်ပိုးကုန် အသစ်ကို စတင်လိုက်ပြီ ဖြစ်ကြောင်း၊ အစီအစဉ်တွင် ပါဝင်ဖို့ သဘောတူတဲ့ စားအုန်းဆီထုတ်လုပ်သူများအတွက် မက်လုံးပေးထားကြောင်း ကုန်သွယ်ရေးဝန်ကြီး Zulkifli Hasan က ပြောကြားပါတယ်။
ဟင်းချက်ဆီထုပ်များကို Minyakita ကုန်အမှတ်တံဆိပ်ဖြင့် ရောင်းချပေးမှာ ဖြစ်ပြီး ရိုးရိုးရှင်းရှင်း ထုပ်ပိုးထားတဲ့ ၁ လီတာထုပ်များဖြင့် ဖြန့်ဖြူးပေးမှာ ဖြစ်ပါတယ်။ ရောင်းဈေးကို တစ်ထုပ်ကို ရူပီယာ ၁၄,၀၀၀ (၁ အမေရိကန်ဒေါ်လာနီးပါး) သတ်မှတ်ထားပါတယ်။
အစိုးရကို Minyakita ဆီထုပ်များ ထုတ်လုပ်မှုနှင့် ဖြန့်ဖြူးရေးတို့ကို ပါဝင်ကူညီလုပ်ကိုင်ပေးတဲ့ စားအုန်းဆီထုတ်လုပ်သူများကို ၎င်းကူညီတဲ့ ပမာဏရဲ့ ၂၀ % နှင့် ညီမျှသော စားအုန်းဆီကြမ်း ပမာဏကို ပြည်ပတင်ပို့ခွင့် ရရှိမှာ ဖြစ်ပါတယ်။
ဥပမာအားဖြင့် စားအုန်းဆီထုတ်လုပ်သူ တစ်ဦးက စားဆီ တန်ချိန် ၇,၀၀၀ ကို Minyakita ဆီထုပ်များအတွက် ရောင်းချပေးပြီး ပါဝင်ကူညီတယ်ဆိုရင် စားအုန်းဆီကြမ်း တန်ချိန် ၄,၈၀၀ စားအုန်းဆီကြမ်း CPO ကို ပြည်ပတင်ပို့ဖို့ ပို့ကုန်ပါမစ် ရရှိမယ်လို့ Zulkifli က ပြောကြားပါတယ်။
အစိုးရက Minyakita ကို trade mark မှတ်ပုံတင်ထားပြီး ပုဂ္ဂလိက ကုမ္ပဏီများကို အစီအစဉ်မှာ ပါဝင်လုပ်ကိုင်ကြဖို့ တိုက်တွန်းနေပါတယ်။
အစီအစဉ်မှာ သက်တမ်း ၄ နှစ် ပါဝင်ရမှာ ဖြစ်ပြီး လိုအပ်ပါက သက်တမ်းထပ်တိုးနိုင်ပါတယ်။
#MyanmarIndustriesGuide
https://t.me/Guid4U
Source: jakartaglobe
Sign In with Google