နိုင်ငံခြားသားပိုင်ဆိုင်မှု ၃၅ ရာခိုင်နှုန်းအထိ ပါဝင်သည့် မြန်မာကုမ္ပဏီများ၏ နိုင်ငံခြားငွေလက်ကျန်စာ

နိုင်ငံခြားသားပိုင်ဆိုင်မှု ၃၅ ရာခိုင်နှုန်းအထိ ပါဝင်သည့် မြန်မာကုမ္ပဏီများ၏ နိုင်ငံခြားငွေလက်ကျန်စာရင်းကိစ္စ

နိုင်ငံခြားသားပိုင်ဆိုင်မှု ၃၅ ရာခိုင်နှုန်းအထိ ပါဝင်သည့် မြန်မာကုမ္ပဏီများ၏ နိုင်ငံခြားငွေလက်ကျန်စာရင်းကိစ္စနှင့် စပ်လျဉ်း၍  မြန်မာနိုင်ငံတော်ဗဟိုဘဏ်က ၂ဝ၂၂ ခုနှစ်၊ ဇူလိုင်လ ၁၅ ရက် ရက်စွဲဖြင့် ထုတ်ပြန်ထားသည်ကို မျှဝေအပ်ပါသည်။

စာအမှတ်၊ အက်ဖ်အီး- ၁ / ၇၅၄
ရက်စွဲ၊ ၂ဝ၂၂ ခုနှစ်၊ ဇူလိုင်လ ၁၅ ရက်

အကြောင်းအရာ။ နိုင်ငံခြားသားပိုင်ဆိုင်မှု ၃၅ ရာခိုင်နှုန်းအထိ ပါဝင်သည့် မြန်မာကုမ္ပဏီများ၏ နိုင်ငံခြားငွေလက်ကျန်စာရင်းကိစ္စ

ရည် ညွှန်း ချက် ။ (၁) ပြည်ထောင်စုသမ္မတမြန်မာနိုင်ငံတော်၊ နိုင်ငံခြားသုံးငွေကြီးကြပ်မှု ကော်မတီ၏ (၁၄-၇-၂၀၂၂) ရက်စွဲပါ စာအမှတ်၊ ၁၁/၁၁/၁၆-နဝက (၀၆၅၃/၂၀၂၂)

(၂) မြန်မာနိုင်ငံတော်ဗဟိုဘဏ်၏ (၃-၄-၂၀၂၂)ရက်စွဲပါအမိန့်ကြော်ငြာစာ အမှတ် ၁၂/၂၀၂၂

၁။  နိုင်ငံခြားသုံးငွေကြီးကြပ်မှုကော်မတီ၏ အစည်းအဝေးအမှတ်စဉ် (၃၂/၂၀၂၂) တွင် “နိုင်ငံခြားသားပိုင်ဆိုင်မှု ၃၅ % အထိ ပါဝင်သည့် မြန်မာကုမ္ပဏီများ၏ နိုင်ငံခြားသုံးငွေစာရင်းမှ နိုင်ငံခြားငွေများအား မြန်မာကျပ်ငွေဖြင့် လဲလှယ်သွားရန်” ဆုံးဖြတ်ခဲ့ပြီး နိုင်ငံခြားသားပိုင်ဆိုင်မှု ၃၅ % အထိ ပါဝင်သည့် မြန်မာကုမ္ပဏီများ၏ စာရင်းအား မြန်မာနိုင်ငံတော်ဗဟိုဘဏ်သို့ ပေးပို့ လာပါသည်။

၂။ သို့ဖြစ်ပါ၍ နိုင်ငံခြားသုံးငွေများရောင်းဝယ်ဖောက်ကားသည့်လုပ်ငန်း (AD)လိုင်စင်ရဘဏ်များအနေဖြင့် အောက်ပါတို့ကို မပျက်မကွက် ဆောင်ရွက်ရန်ဖြစ်ကြောင်း အကြောင်းကြားပါသည် -

(က) ယခုစာနှင့် နိုင်ငံခြားသားပိုင်ဆိုင်မှု ၃၅ % အထိ ပါဝင်သည့် မြန်မာကုမ္ပဏီများ၏ စာရင်းအား ပူးတွဲ ပေးပို့ထားပါသည်၊

( ခ ) အထက်အပိုဒ် (က) ပါ စာရင်းအနက်မှ မိမိတို့ဘဏ်တွင် စာရင်းဖွင့်လှစ်ထားသည့် ကုမ္ပဏီများ၏ နိုင်ငံခြားငွေစာရင်းလက်ကျန်အား ပူးတွဲပါဇယားတွင် ဖြည့်စွက်၍ (၁၅-၇-၂၀၂၂) ရက်နေ့၊ ညနေ (၆:၀၀) နာရီ နောက်ဆုံးထားပြီး email: facts cov.mm သို့ ပေးပို့ရန်ဖြစ်ပါသည်၊

( ဂ ) အဆိုပါမိမိတို့ဘဏ်အသီးသီးတွင် ဖွင့်လှစ်ထားသော ကုမ္ပဏီများ၏ နိုင်ငံခြားငွေစာရင်းမှ လက်ကျန်ငွေကို မြန်မာကျပ်ငွေဖြင့် လဲလှယ်ဝယ်ယူခြင်းကို ဆောလျင်စွာ ဆောင်ရွက်၍ ဝယ်ယူရရှိသည့်ပမာဏကို (၁၈-၇-၂၀၂၂) ရက်နေ့၊ ညနေ (၆:၀၀) နာရီ နောက်ဆုံးထား၍ Bank-Customer (Bid) နှင့် Non-Trade Inward (Real Time - R) စာရင်းများတွင် ထည့်သွင်းတင်ပြရန်ဖြစ်ကြောင်း အကြောင်းကြားပါသည်။

၃။ အထက်အပိုဒ် (၂) တွင် ညွှန်ကြားထားသည့်အချက်များအား လိုက်နာဆောင်ရွက်ရန် ပျက်ကွက်ပါက နိုင်ငံခြားသုံးငွေစီမံခန့်ခွဲမှုဥပဒေ ပုဒ်မ ၃၅ အရ အရေးယူဆောင်ရွက်သွားမည် ဖြစ်ကြောင်း အကြောင်းကြားပါသည်။

#MyanmarIndustriesGuide

Telegram Channel
https://t.me/Guid4U