ခိုင်မာသော ဒေါ်လာကို ကာကွယ်ရန် အာရှတွင်  စက်တင်ဘာလမှာ ကန်ဒေါ်လာ ၅၀ ဘီလီယံကို  အသုံးပြုခဲ့

ခိုင်မာသော ဒေါ်လာကို ကာကွယ်ရန် အာရှတွင်  စက်တင်ဘာလမှာ ကန်ဒေါ်လာ ၅၀ ဘီလီယံကို  အသုံးပြုခဲ့

TO GET INSTANT UPDATE 
Join Telegram Channel  
https://t.me/Guid4U

အာရှအစိုးရများသည် ပြီးခဲ့သော စက်တင်ဘာလတွင် ဒေါ်လာနှင့် ငွေလဲနှုန်းတွင် ၎င်းတို့၏ နိုင်ငံသုံး ငွေကြေးများကို ကာကွယ်ရန် နိုင်ငံခြားငွေအရန်ငွေ အမေရိကန်ဒေါ်လာ ၅၀ ဘီလီယံခန့် သုံးစွဲခဲ့သည်။ ၂၀၂၀ မတ်လ နောက်ပိုင်း အမြင့်ဆုံးရေချိန် ဖြစ်သည်။ 

ကမ္ဘာလုံးဆိုင်ရာ အရင်းအနှီးစီးဆင်းမှုများကို နောက်ယောင်ခံ မှတ်တမ်းတင်သည့်  Exante Data Inc မှ ထုတ်ပြန်သည့် အချက်အလက်များအရ  တရုတ်နိုင်ငံမှအပ ထွန်းသစ်စအာရှနိုင်ငံများသည် စက်တင်ဘာလ တစ်လတည်းတွင် ဒေါ်လာ ၃၀ ဘီလီယံနီးပါးကို ရောင်းချခဲ့ကြသည်။ အကယ်၍ ဂျပန်နိုင်ငံကိုပါ ထည့်တွက်လျှင် ဒေါ်လာ ၅၀ ဘီလီယံကို သုံးစွဲခဲ့ကြသည်။

ယခုနှစ် ပထမ ကိုးလအတွင်း အာရှဒေသတွင်း၌ ဒေါ်လာရောင်းရငွေသည် ဒေါ်လာ ၈၉ ဘီလီယံခန့် ဖြစ်သည်ဟု Exante က ဆိုသည်။ 

တောင်ကိုရီးယား၊ အိန္ဒိယ၊ ထိုင်ဝမ်နှင့် ဂျပန်တို့အပါအဝင် အာရှနိုင်ငံအချို့၏ မကြာသေးမီက ဒေါ်လာဈေးရောင်းချမှုများကို လူသိများခဲ့သည်။ အချို့ နိုင်ငံများမှာ ဗဟိုဘဏ်မှ ထုတ်ပြန်သော စာရွက်စာတမ်းများအရ သိကြရသည်။ 

Exante ၏ အချက်အလက်များအရ စက်တင်ဘာလတွင် ဂျပန် ဗဟိုဘဏ်က ဒေါ်လာ ၂၀ ဘီလီယံ ရောင်းချခဲ့သည်။ တောင်ကိုရီးယား ဗဟိုဘဏ်က ဒေါ်လာ ၁၇ ဘီလီယံခန့် ရောင်းချခဲ့သည်။ ထိုင်း၊ ဟောင်ကောင်၊ ဖိလစ်ပိုင်နှင့် ထိုင်ဝမ် တို့မှ ဗဟိုဘဏ်တို့လည်း စက်တင်ဘာလတွင်  ဒေါ်လာ ရောင်းချခဲ့ကြသည်။ 

ကမ္ဘာတဝှမ်းတွင် နိုင်ငံခြားငွေအရန်ငွေ လက်ကျန်များ ကျဆင်းလျက်ရှိသည်။ ကမ္ဘာ့အရန်ငွေ သိုလှောင်မှုမှာ ယခုနှစ် ပထမ ၉ လ အတွင်း ဒေါ်လာ ၁ ထရီလီယံကျော် ကျဆင်းသွားသည်။ ဒေါ်လာ ၁၂ ထရီလီယံကျော်သာ ကျန်ရှိသည်။ 

Bloomberg သည် ၂၀၀၃ ခုနှစ်တွင် ကမ္ဘာ့အရန်ငွေဆိုင်ရာ အချက်အလက်များကို စတင်စုစည်းခဲ့ပြီးနောက် အကြီးမားဆုံး ကျဆင်းသွားခဲ့ခြင်း ဖြစ်သည်။

Source Bloomberg