ရေကြီးမှုကြောင့် ဘတ်ငွေ သန်းပေါင်း ၅ ထောင်ခန့် နစ်နာနေ

မြန်မာပြည်က ရေကြီးရေလျှံနေသည့် သဘာဝဘေးဒဏ်များကြောင့် ထိုင်းမြန်မာနယ်စပ်ကုန်သွယ်ရေးကို အဓိကလုပ်ကိုင်နေကြသည့်မြဝတီ-မဲဆောက် ကုန်သွယ်ရေးစီးဆင်းမှုများ ရပ်တန့်နေသဖြင့် နိုင်ငံ ကုန်သွယ်မှုမှ ဘတ်ငွေ သန်းပေါင်း ၅ ထောင်ခန့် နစ်နာနေကြောင်း သိရပါသည်။

ကုန်သွယ်ရေးအခြေအနေ

********************

ထိုနိုင်ငံဘက်မှ အစားအသောက်နှင့် လူသုံးကုန်ပစ္စည်းများ၊ သံထည်ပစ္စည်းများကို အဓိကတင်ပို့နေပြီး မြန်မာဘက် နွားနှင့် ကွမ်းများကဲ့သို့သော ပစ္စည်းများကိုသာ တင်ပို့နေခြင်းဖြစ်ပါသည်။

သို့သော် ယခုအခါ ကရင်ပြည်နယ်တွင် သီတင်းနှစ်ပတ် ခန့်ကြာအောင် ရေကြီးနေသည့်အတွက် ထိုင်းဘက်မှ တင်သွင်းမည့် ကုန်စည်များက ရပ်နားထားရသည်။ ကုန်စည်စီးဆင်းမှု ရပ်တန့်ရခြင်းမှာ ရေကြီးမှုများဖြစ်နေသည့်အပြင် မြန်မာ့ငွေဈေးကျဆင်းနေသည့်အတွက်ကြောင့်လည်း အရောင်းအဝယ်လုပ်၍မရကြောင်း သိရပါသည်။

သဘာဝရေကြီးရေလျှံမှုကြောင့် ကုန်သွယ်မှုက ကားကြီးများဆင်း၍မရအောင် ပိတ်ထားသဖြင့် ကုန်စည်စီးဆင်းမှုများ မရှိဘဲ ငွေဈေးများကျနေသောကြောင့်လည်း အရောင်းအဝယ်လုပ်မရဘဲရှိနေကြောင်းသိရပါသည်။ ထို့အပြင် ယခုကဲ့သို့ ရေကြီးနေသည့် သဘာဝဘေးအန္တရာယ်ကြောင့် ထိုင်းဘက်မှ ထိခိုက်မှုများ ရှိနေကြောင်းသိရပါသည်။

မြန်မာ့ငွေဈေးသည် ပြီးခဲ့သည့်နှစ် စက်တင်ဘာလတွင် ထိုင်းငွေ တစ်ဘတ်ကို မြန်မာငွေကျပ် ၄၁ ကျပ်ဝန်းကျင်ရှိခဲ့ပြီး ယခုနှစ်မတ်လရောက်လာသည့်အခါတွင် ၄၃ ဝန်းကျင်ခန့်သို့ ဈေးတက်လာခဲ့သည်။ ထိုအပြင် ယနေ့ မြန်မာ-ထိုင်း ငွေကြေးလဲလှယ်နှုန်သည် ထိုင်းငွေတစ်ဘတ်လျှင် မြန်မာငွေကျပ် ၄၄ ဝန်းကျင်တွင်ရှိကြောင်း သိရပါသည်။

ထိုင်းနှင့်မြန်မာတွင် မြန်မာဘက်မှ ကုန်ပစ္စည်းတင်ပို့မှုနည်းပြီး ထိုင်းဘက်မှ အစားအသောက်ကအစ မြန်မာပြည်ဘက်ကို ကုန်ပစ္စည်းများ တင်သွင်းနေခြင်းဖြစ်ပါသည်။ ယခုကဲ့သို့ ရေကြီးရေလျှံနေခြင်းများကြောင့် ကုန်စည်စီးဆင်းရန်မလွယ်သေးကြောင်းသိရပါသည်။

ကုန်သွယ်မှုပမာဏ

***************

ထိုင်းမြန်မာနယ်စပ် မဲဆောက်-မြဝတီ ကုန်စည်စီးဆင်းမှုက တစ်နှစ်ကို ဘတ်ငွေ သန်းပေါင်း ၁ သိန်း ၂ သောင်းကျော်ရှိကြောင်း ထိုင်းဘက်မှ တွက်ချက်ထားပါသည်။ မြန်မာဘက်မှလည်း တစ်နိုင်ငံလုံးအတိုင်းအတာနှင့်ဆိုလျှင် မဲဆောက်-မြဝတီ ကုန်သွယ်စီးဆင်းမှု ပမဏ ပိုများကြောင်း သိရပါသည်။

ယခုကဲ့သို့ ကုန်စည်စီးဆင်းမှု ရပ်နားနေသည့်အတွက် သီတင်းနှစ်ပတ်အတွင်း ဘတ်ငွေ သန်းပေါင်း ၅ ထောင်ခန့် နစ်နာနေရကြောင်း ကုန်သည်မာျးက ပြောပါသည်။

ယခုအခါ မြန်မာပြည်၏ ရေဘေးကြောင့် နှစ်နိုင်ငံ ကုန်သွယ်စီးဆင်းမှုများ ရပ်နားထားရဆဲဖြစ်ကြောင်းသိရပါသည်။

VOA news