အောက်တိုဘာ ၄ ရက် ရွှေစျေးနဲ့ အမေရိကန်ဒေါ်လာနဲ့ မြန်မာ‌ငွေလဲနှုန်းတွေ ပြန်ကျ

ရွှေစျေး အကယ်ဒမီ မီးလင်းရွှေတစ်ကျပ်သားကို ၁၉ သိန်း ၃ သောင်းနဲ့စျေးပိတ်သွားပြီးအောက်တိုဘာ ၄ ရက်နေ့ ပြင်ပစျေးကွက်မှာ အမေရိကန်ဒေါ်လာပေါက်စျေးက တစ်ဒေါ်လာကို မြန်မာငွေ ကျပ် ၂၃၀၀ ခန့်စျေးပေါက်တဲ့အတွက် စျေးတွေပြန်ကျနေတယ်လို့ စျေးကွက်သတင်းတွေအရသိရပါတယ်။

ရန်ကုန်တိုင်းရွှေလုပ်ငန်းရှင်များ အသင်းရဲ့ ဒီကနေ့အောက်တိုဘာ ၄ ရက်‌နေ့ ထုတ်ပြန်တဲ့ရွှေစျေးဟာ ပြီးခဲ့တဲ့ စက်တင်ဘာလ ၂၈ ရက်နေ့ အသင်းကထုတ်ပြန်တဲ့ အကယ်ဒမီ မီးလင်းရွှေတစ်ကျပ်သားကို ၂၂ သိန်း တစ်သောင်း သုံးထောင်နဲ့ယှဥ်ရင်စျေးတွေ တစ်ကျပ်သားကို ၂ သိန်းနီးပါးကျလာတာလည်းဖြစ်ပါတယ်။

အမေရိကန်ဒေါ်လာနဲ့မြန်မာ‌ငွေလဲနှုန်းဟာလည်းပြီးခဲ့တဲ့ စက်တင်ဘာလ ၂၈ ရက်နေ့က ဖြစ်ခဲ့တဲ့ စျေးနဲ့ယှဉ်ရင် တစ်ဒေါ်လာကို ကျပ် ၄၀၀ ခန့် ပြန်ကျဆင်းခဲ့တာဖြစ်ပါတယ်။

ဒါပေမဲ့ အမေရိကန်တစ်ဒေါ်လာကို ကျပ်နှစ်ထောင်အပေါ်မှာပဲရှိနေပါသေးတယ်။

ဘဏ်တွေက သူတို့ဝယ်တာကိုတေ့ာ အမေရိကန်တစ်ဒေါ်လာကို ကျပ်နှစ်ထောင်အောက် အနည်းငယ်ဆင်းပြီးဝယ်တယ်လို့လည်း ရန်ကုန်မြို့ခံတစ်ဦးကပြောပါတယ်။

စစ်တပ်အာဏာသိမ်းပြီးနောက် နေ့စဉ်မြင့်တက်နေတဲ့ ဒေါ်လာငွေလဲနှုန်းကို ထိန်းချုပ်ဖို့ စစ်ကောင်စီက ဈေးကွက်အတွင်း ဒေါ်လာတွေထုတ်ရောင်းခဲ့သလို စျေးကွက်အတွင်းမှ ာဒေါ်လာငွေကြေးစျေးကစာတဲ့လို့ယူဆရသူ အချို့ကိုလည်း ဖမ်းဆီးခဲ့ပါတယ်။

စစ်ကောင်စီဗဟိုဘဏ်က ဒေါ်လာလက်ဝယ်ထားရှိမှုတွေကို ထိန်းချုပ်တဲ့အနေနဲ့ ပြည်ပပို့ကုန်ရငွေတွေနဲ့ ပက်သက်တဲ့ညွှန်ကြားစာတစ်စောင်ကိုပြီးခဲ့တဲ့ အောက်တိုဘာ ၃ ရက်နေ့က ထုတ်ပြန်ခဲ့ပါတယ်။

အဲ့ဒီညွှန်ကြားချက်က အောက်တိုဘာ ၃ရက်နေ့ကစပြီး အသက်ဝင်မှာပြီး ပို့ကုန်လုပ်ငန်းရှင်တွေကနိုင်ငံခြား ပို့ကုန်တင်ပို့ရောင်းချပြီး ရရှိလာတဲ့ ငွေတွေကိုလက်ဝယ်ကိုင် ဆောင်ထားခွင့်မရှိဘဲ ရက် ၃၀ အတွင်း ဘဏ်တွေကိုစျေးကွက် ပေါက်စျေးနဲ့ မပျက်မကွက် ပြန်ရောင်းချရမှာဖြစ်တယ်လို့ဆိုပါတယ်။

BBC