၂၀၂၁ ခုနှစ် အောက်တိုဘာ ၁၉ ရက် အင်္ဂါနေ့ ရွှေဈေးငွေဈေး

၂၀၂၁ ခုနှစ် အောက်တိုဘာ ၁၉ ရက် အင်္ဂါနေ့တွင်

ရန်ကုန်မြို့မှာ ဖြစ်ပေါ်ခဲ့သော နိုင်ငံခြားငွေလဲနှုန်းသည် 
အမေရိကန်တစ်ဒေါ်လာကျပ် ၂,၀၄၀ ဝန်းကျင်ဖြစ်သည်။ 

မွန်းလွဲ ၃ နာရီခွဲ ရန်ကုန် စျေးကွက်အတွင်း 
အခြားနိုင်ငံခြားငွေကြေးများလဲလှယ်မှု နှုန်းထားများမှာ 

ယူရို ၂,၁၈၀ ကျပ်၊ 
စင်ကာပူ ဒေါ်လာ ၁,၄၀၀ ကျပ်၊ 
မလေးရှားရင်းဂစ် ၄၃၀ ကျပ်၊ 
ထိုင်းဘတ် ၅၈ ကျပ်၊ 
ဂျပန်ယန်း ၁၇ ကျပ် 
တရုတ်ယွမ် ၃၀၅ ကျပ်၊ 
အိန္ဒိယ ရူပီ ၂၆ ကျပ် 
ဩစတေးလျ ဒေါ်လာ ၁,၃၈၀ ကျပ်
ဗြိတိန် ပေါင် ၂,၅၅၀ ကျပ်
တို့ ဖြစ်သည်။

Source: wk

ကမ္ဘာ့ရွှေစျေး တစ်အောင်စ ဒေါ်လာ  1782 ဝန်းကျင်ရှိပြီး ရန်ကုန်မြို့တွင် ဖြစ်ပေါ်သော ရွှေစျေးနှုန်းမှာ ကျပ် ၁၈၄၀,၀၀၀ ဖြစ်သည်။ 

အကယ်ဒမီမီးလင်း​ရွှေ 

အဖွင့်​စျေး      1,843,000
နေ့လယ်ပိုင်း 1,830,000
အပိတ်စျေး    1,835,000

Source: YGEA

၁၅ ပဲရည် ရွှေစျေးနှုန်းမှာ 1720500  ဝန်းကျင်ဖြစ်သည်။ 

မှတ်ချက်။ အောက်တိုဘာလ ၂ ၀ ရက်သည် သီတင်းကျွတ်လပြည့် ဖြစ်သဖြင့် ဆိုင်အများစု ပိတ်မည် ဖြစ်ပါသည်။ 

စက္ကူရွှေ Gold Paper စနစ်က အောင်မြင်ရန် မလွယ်ဟု လေ့လာသူများသုံးသပ်

ရန်ကုန်တိုင်းရွှေလုပ်ငန်းရှင်များအသင်းက ဦးဆောင်ပြီး အရောင်းအဝယ်လုပ်မယ့် စက္ကူရွှေ (Gold Paper) စနစ်က အောင်မြင်ဖို့ မလွယ်ကူတဲ့အကြောင်း ရွှေစျေးကွက်အားလေ့လာ စောင့်ကြည့်သူတွေက သုံးသပ်ပြောပါတယ်။

အောက်တိုဘာ ၁၆ ရက်က  စက္ကူရွှေ (Gold Paper) ကို ဘဏ်မှတဆင့် ရောင်းချနိုင်ဖို့ ရန်ကုန်တိုင်းရွှေလုပ်ငန်းရှင်များအသင်း (YEGA)နဲ့ Shwe Bank တို့ ဆွေးနွေးခဲ့ကြတယ်လို့ YEGA မှ သတင်းထုတ် ပြန်ထားပါတယ်။

Gold Paper စနစ်နဲ့ပတ်သက်ပြီး လေ့လာသူ ဦးမျိုးမြင့်က“ကိုယ့်ဘာသာကိုယ်ရွှေဝယ်တယ်ပေါ့။ ကိုယ်က ရွှေ ၅ ပိဿာရှိတယ်ဆိုရင် ဘဏ်မှာသွားအပ်ထားမယ်။ ဘဏ်ကနေပြီးတော့ ထိန်းသိမ်းပေးမယ်။ ဘဏ်က အာမခံကတ် ထုတ်ပေးမယ်ပေါ့။ အဲဒါနဲ့ အသင်းရုံးမှာပြန်ရောင်းပေါ့။ အဓိကကတော့ ရွှေစျေးကွက်ကို ကမ္ဘာ့ရွှေစျေးကွက်အတိုင်း ဖြစ်စေချင်တာပါ။ တကမ္ဘာလုံးမှာ လည်း ဘဏ်တွေက ရွှေရောင်းပေးတယ်။ဒီမှာက ဒေါ်လာပဲရောင်းပေးတယ်။ ရွှေကိုရောင်းမပေးနိုင်ဘူးလေ။ ရွှေကို ဝယ်တဲ့ သူတယောက်က အသင်းသားဆိုရင်တော့ အသင်းမှာ လာဝယ်တာက မြန်တာပေါ့” လို့ ပြောပါတယ်။

ဒါပေမဲ့  ရန်ကုန်တိုင်းရွှေလုပ်ငန်းရှင်များအသင်းကဦးဆောင်ပြီးလုပ်တဲ့ စက္ကူရွှေ (Gold Paper) စနစ်က နိုင်ငံတကာမှာ ကျင့်သုံးနေတဲ့ Paper trading (ခေါ်) Gold exchange စနစ်နဲ့ တူညီမှုမရှိတာတွေရှိပါတယ်။

ရွှေစျေးကွက်သုတေသီတဦးက “Paper trading ဆိုတာက deposit တင်ထားရတယ်။ ဥပမာ deposit ရွှေ ၁ဝ သား တင်ထားတဲ့သူတယ်ဆိုရင် ၁ ပိဿာ အတွင်းမှာ ဝယ်လိုက်ရောင်းလိုက်နဲ့ အရောင်းအဝယ်လုပ်လို့ရတယ်။ ဝယ်ထားတဲ့ စျေးက တကယ်လို့ ပြုတ်ကျသွားလို့ရှိရင် ခင်ဗျားစျေးကပြုတ်ကျနေပြီဖြစ်လို့ ခင်ဗျား စပေါ် ထပ်တင်မှာ လားပေါ့။ မတင်ဘူးဆိုရင် သူ့ရဲ့အကွာအဝေးရောက်တာနဲ့ အလိုအလျောက်ပျက်သွားပြီ။ နောက်ပိုင်း စျေးပြန်တက်သွား လို့ရှိ ရင်လည်း ဘယ်လောက်တက်တက် သူနဲ့မဆိုင်တော့ဘူး။ ဒါကတော့ နိုင်ငံတကာမှာ ကျင့်သုံးနေတဲ့ပုံစံပေါ့နော်။ သူတင်ထားတဲ့ deposit ကျော်သွားပြီဆိုရင် လှမ်းအကြောင်းကြားတယ်။ အဲ့ဒါကိုမှ ထပ်တင်ရင်တင်၊ မတင်ရင်တော့ သူက ဖြုတ်ချသွားလိမ့်မယ်။ တကယ်လို့ ကိုယ်က deposit ရွှေ ၁ဝ ကျပ်သားတင်ထားတာဖြစ်လို့ ရွှေထုတ်ချင်တယ်ဆိုရင်လည်း အသင်းက ထုတ်ပေးတယ်။ ဒါက Gold exchange သဘောပဲလေ။ ရှန်ဟိုင်း၊ဟောင်ကောင်တို့မှာ အောင်မြင်တယ်။ အရှုံး အမြတ်က deposit တင်ထားတဲ့ သူ့ငွေစာရင်းကနေ ထွက်ထွက်သွားတာ။ ဟောင်ကောင်ကတော့ သူတို့ကုန်သည်ကြီး များဘဏ်မှာ background ထားလုပ်ကြတယ်။ ရှန်ဟိုင်းကတော့ Bank of China တရုတ်ဗဟိုဘဏ်မှာ background ထားပြီးလုပ်ကြတယ်။ ဒီ့အတွက်လည်း နိုင်ငံတော်က အခွန်အခရတယ်။ ဒီမှာတော့ အခွန်အကောက်ကို တိမ်းရှောင်ချင်တဲ့ လူတွေများတော့ ဒါမျိုးလုပ်ဖို့က မလွယ်ဘူးထင်တယ်” လို့ ပြောပါတယ်။

ရန်ကုန်တိုင်းရွှေလုပ်ငန်းရှင်များအသင်း (YEGA) နဲ့ပူးပေါင်းပြီးရောင်းချမယ့်ရွှေကို မူလရှိပြီးသားဘဏ်အကောင့်ငွေစာရင်းနဲ့ ပေးချေလို့မရဘူးလို့ သတ်မှတ်ထားပါတယ်။

အခုလိုသတ်မှတ်ထားတဲ့အပေါ် ရွှေဝယ်ရောင်းသမားတဦးက “ဘဏ်ရဲ့ရာဇဝင်နောက်ကြောင်းနဲ့ ဘဏ်ရဲ့ခိုင်မာမှုက ဘယ်လို ရှိလဲဆိုတာလဲ ထည့်တွက်ဖို့လိုတယ်ဗျာ။ ဘာလို့လဲဆို အကြောင်းကြောင်းကြောင့် မိုးတော့ မပြိုပေမယ့် ပြိုခဲ့တယ်ရှိသော် ဘယ်လိုလုပ်မလဲ။ ဟုတ်လား။ အခုလိုအချိန်မှာ ကိုယ့်ဟာကိုယ်ရှိတဲ့ ဘဏ်ငွေစာရင်းကိုတောင် ထုတ်ချင်ရင် ထုတ်မရတဲ့အခြေအနေမှာ နောက်ထက် ထပ်ထည့်ပြီးကစားဖို့ဆိုတာက ဖြစ်နိုင်မလားဗျာ” လို့ဆိုပါတယ်။

ဒီဗီဘီ