Egat က တနင်္သာရီတိုင်းဒေသကြီးတွင် ဓာတ်အားဖြန့်ဖြူးရေး ကွန်ရက် တိုးတက်ကောင်းမွန်အောင် လုပ်ဆောင်လိုသည်

ထိုင်းနိုင်ငံ၏ စွမ်းအင်အာဏာပိုင်အဖွဲ့သည် ကမ္ဘောဒီးယားနှင့် မြန်မာနိုင်ငံတို့နှင့်အတူ ၂၀၂၃ ခုနှစ်တွင် စင်ကာပူအား ဒေသဆိုင်ရာစွမ်းအင် ကွန်ရက်အကွက်တွင် ထည့်သွင်းရန်စီစဉ်နေသည်ဟု စွမ်းအင်အမြဲတမ်းအတွင်းရေးမှူး Kulit Sombatsiri က ပြောကြားသည်။

ထိုင်းနိုင်ငံသည် လာအိုရှိ ရေအားလျှပ်စစ်ဓာတ်အားပေးစက်ရုံများမှ လျှပ်စစ်ဓာတ်အားကို ဝယ်ယူပြီး ထိုင်းနိုင်ငံ၏ နိုင်ငံပိုင်လုပ်ငန်း ဖြစ်သော လျှပ်စစ်လျှပ်စစ်ထုတ်လုပ်ရေးအာဏာပိုင်အဖွဲ့ (Electricity Generating Authority of Thailand -Egat)၏ ဓာတ်အားပေးပို့သောလိုင်းများမှတစ်ဆင့် မလေးရှားသို့ ရောင်းချရန်အတွက် လာအို - ထိုင်း - မလေးရှားသဘောတူညီချက် ရရှိခဲ့ပြီးနောက် ဆက်လက်လုပ်ဆောင်မည့် ခြေလှမ်းတစ်ခု ဖြစ်သည်။

ပြီးခဲ့သည့်နှစ်က ထိုင်းနိုင်ငံ ဘန်ကောက်မြို့တွင် ပြုလုပ်ခဲ့သောအစည်းအဝေးမှာ Egat က မဂ္ဂါဝပ် ၃၀၀ ကိုမလေးရှားသို့ ရောင်းချရန်အာဆီယံစွမ်းအင်ဝန်ကြီးများက သဘောတူခဲ့ကြသည်။ စင်ကာပူနှင့် သဘောတူညီမှုအရ ထိုင်းသည် စင်ကာပူသို့လည်း ၁၀၀ မဂ္ဂါဝပ် ရောင်းချမည် ဖြစ်သည်။

စွမ်းအင်ဆိုင်ရာမူဝါဒနှင့်စီမံကိန်းရုံးဌာန၏ စွမ်းအင်မူဝါဒဌာနအကြီးအကဲ Veerapat Kiatfuengfoo မှ ပြောကြားသည်မှာ သဘောတူညီချက်ကို အတည်ပြုပြီးသော်လည်း Egat သည် စင်ကာပူ၏ လွတ်လပ်သောကုန်သွယ်မှုပုံစံအောက်တွင် ပြည်တွင်း လျှပ်စစ်ဓာတ်အားထုတ်လုပ်သည့်ကုမ္ပဏီများနှင့်ယှဉ်ပြိုင်ရန် လိုအပ်သည်။ ထို့အတွက် Egat သည် စျေးနှုန်းကို ယှဉ်ပြိုင်နိုင်လိမ့်မည်။

အကြောင်းမှာ ထိုင်းနိုင်ငံ၏ ဓာတ်အားရောင်းချသည့် ဈေးနှုန်းများသည် စင်ကာပူတွင် ရောင်းချနေသည့် ဈေးနှုန်းထက် နည်းသောကြောင့် ဖြစ်သည်ဟု သူက ဆိုသည်။

ဤအတောအတွင်း ထိုင်းနိုင်ငံ၏ ဒေသတွင်းတိုးချဲ့မှုအစီအစဉ်၏ တစ်စိတ်တစ်ပိုင်းအနေဖြင့် Egat သည် မြန်မာနှင့်ကမ္ဘောဒီးယားတို့တွင် ရင်းနှီးမြှုပ်နှံမှု ရှိသင့်သည်ထက် နည်းပါးနေခြင်းနှင့် လျစ်လျူရှုခံရခြင်းများ ရှိနေသော ဒေသများရှိ ဓာတ်အားဖြန့်ဖြူးရေးအစီအစဉ်များကို တိုးတက်ကောင်းမွန်အောင် လုပ်ဆောင်ရန် ရှုမြင်ထားသည်။ မြန်မာနိုင်ငံ တောင်ပိုင်းရှိ တနင်္သာရီတိုင်းဒေသကြီးတွင်ဓာတ်အားဖြန့်ဖြူးရေး ကွန်ရက်ကို တိုးတက်ကောင်းမွန်အောင် လုပ်ဆောင်လိုသည်။

မစ္စတာ Kulit မှ ပြောကြားရာတွင် ထိုင်းနိုင်ငံသည် ၎င်း၏စွမ်းအင်အတွက်စျေးကွက်အသစ်များကို ဖွင့်လှစ်ခြင်းအားဖြင့် အရန်လျှပ်စစ်ဓာတ်အား ပိုလျှံနေခြင်းကို လျှော့ချနိုင်မည်ဖြစ်ပြီး ပြည်တွင်းထုတ်လုပ်သည့်စွမ်းအင်နှင့်လာအိုနိုင်ငံရှိ Egat အတွက် ထုတ်လုပ်မှုများမှ ပိုလျှံနေသည်တို့ကို လျှော့ချနိုင်မည်ဖြစ်သည်ဟု ပြောကြားခဲ့သည်။

အာဆီယံ၏ စွမ်းအင်လိုအပ်ချက်သည် ၂၀၂၀ မှ ၂၀၄၀ အတွင်း ၇၀% ကျော်အထိ မြင့်တက်မည်ဟု မျှော်လင့်ရသည်ဟု စင်ကာပူကုန်သွယ်ရေးနှင့်စက်မှုဆိုင်ရာ ဒုတိယဝန်ကြီး Tan See Leng ကမကြာသေးမီက ပြောကြားခဲ့သည်။

Myanmar Industry Guide

Ref: bangkokpost.com