ရုရှားရေနံစိမ်းဖြင့် ထုတ်လုပ်သည့် လောင်စာဆီ အိန္ဒိယမှတစ်ဆင့် ဥရောပသို့ ရောက်ရှိ

ရုရှားရေနံစိမ်းဖြင့် ထုတ်လုပ်သည့် လောင်စာဆီ အိန္ဒိယမှတစ်ဆင့် ဥရောပသို့ ရောက်ရှိ

TO GET INSTANT UPDATE 
Join Telegram Channel
https://t.me/Guid4U

၂၀၂၂-၂၃ ဘဏ္ဍာနှစ်တွင်အိန္ဒိယနိုင်ငံသို့ ရုရှားနိုင်ငံမှ ရေနံစိမ်းတင်သွင်းမှု စံချိန်တင် မြင့်မားလာခြင်းသည် အိန္ဒိယ၏ ရေနံချက်လုပ်ငန်းများက ဥရောပသို့ ဒီဇယ်နှင့် ဂျက်‌ေလယာဉ်ဆီများ တင်ပို့မှု တိုးမြင့်လာခြင်းကြောင့်ဖြစ်ကြောင်း သင်္ဘောများ အသွားအလာ ခြေရာခံ မှတ်တမ်းတင်ထားသည့် Kpler နှင့် Vortex တို့မှ အချက်အလက်များအရ သိကြရသည်။
.
စျေးပေါသော ရုရှားရေနံကို သုံးစွဲနိုင်မှုသည် အိန္ဒိယရေနံချက်စက်ရုံများ ထုတ်လုပ်မှု တိုးစေခဲ့ပြီး  အမြတ်များလည်း တိုး‌‌စေသည်။ သန့်စင်ပြီး ရေနံထုတ်ကုန်များကို ဥရောပသို့ အပြိုင်အဆိုင် တင်ပို့နိုင်ခဲ့ပြီး ပိုမိုကြီးမားသော စျေးကွက်ဝေစုကို ရယူနိုင်ခဲ့ကြသည်။ 
.
ဥရောပသည် ရုရှားက ယူကရိန်းကို မကျူးကျော်မီ အိန္ဒိယမှ ဒီဇယ်နှင့် လေယာဉ်ဆီ ပျမ်းမျှ တစ်ရက်လျှင် စည်ပေါင်း ၁၅၄,၀၀၀ barrel per day (bpd) တင်သွင်းလေ့ရှိသည်။

၂၀၂၂ ဖေဖော်ဝါရီ ၅ ရက်မှ စ၍ ရုရှားရေနံထွက်ကုန်များ တင်သွင်းမှုကို ဥရောပသမဂ္ဂက တားမြစ်ခဲ့ပြီးနောက် အိန္ဒိယမှ ဒီဇယ်နှင့် လေယာဉ်ဆီများ ဥရောပသို့ တင်ပို့မှုသည်  ၂၀၀,၀၀၀ bpd အထိ တိုးလာခဲ့သည်။
. 
ဘဏ္ဍာနှစ်ကုန်ဆုံးရန် မတ်လတွင် အိန္ဒိယ၏ ရုရှားရေနံစိမ်း တင်သွင်းမှုသည် ခုနစ်လဆက်တိုက် မြင့်တက်ခဲ့သည်။ ရုရှားကို အိန္ဒိယသို့ ရေနံစိမ်း ထိပ်တန်း တင်သွင်းသူအဖြစ်သို့ ရောက်ရှိစေသည်။ ယခင်က ထိပ်ဆုံးမှာ အမြဲရှိနေခဲ့သည့် အီရတ်ကို ပထမဆုံးအကြိမ်အဖြစ် ပထမနေရာ ဖယ်ပေးစေခဲ့သည်။
.
အိန္ဒိယမှ ရေနံချက်စက်ရုံများသည် ရုရှားရေနံကို သယ်ယူရသည့် ခရီးတာ ဝေးသဖြင့် ပို့ဆောင်ခ စရိတ်ထောင်းသဖြင့် လက်ရှောင်ထားကြသည်။ ယခု ဈေးသက်သာသဖြင့် တင်သွင်းကြသည်။ ၂၀၂၂-၂၃ တွင် ၉၇၀,၀၀၀~၉၈၁,၀၀၀ bpd တင်သွင်းခဲ့ကြသည်။ အိန္ဒိယ တင်သွင်းသည့် ရေနံစုစုပေါင်း ပမာဏ၏ ငါးပုံတစ်ပုံ ကျော်သွားသည်အထိ တင်သွင်းခဲ့ကြသည်။
အီရတ်ရေနံကို ၂၀၂၁-၂၂ တွင် ၁ သန်း bpd တင်သွင်းခဲ့ပြီး ၂၀၂၂-၂၃ တွင် ၉၃၆,၀၀၀~၉၆၁,၀၀၀ တင်သွင်းခဲ့သည်။

.
အိန္ဒိယ ရေနံစိမ်း တင်သွင်းမှု 

ရုရှားနိုင်ငံ၏ အထင်ကရအဆင့်ဖြစ်သော Urals ရေနံစိမ်းကို အိန္ဒိယ အများစု ဝယ်ယူခဲ့ပြီး အနည်းစုအနေဖြင့် အခြားရုရှားရေနံစိမ်းအကြဲများ ဖြစ်ကြသည့် အရှေ့ဖျားနှင့် အာတိတ် ရေနံစိမ်းများ ဖြစ်သော Sokol, Arco, Novy Port, ESPO တို့ကိုလည်း ဝယ်ယူခဲ့ကြသည်။
.
ရုရှား၏ အကြီးဆုံး ရေနံထုတ်လုပ်သူ Rosneft နှင့် ထိပ်တန်း အိန္ဒိယ ‌ေရနံချက် ကုမ္ပဏီ Indian Oil Corp တို့သည် အိန္ဒိယသို့  ရုရှားရေနံစိမ်း အမျိုးမျိုး တိုးမြှင့်တင်ပို့ရန် သဘောတူညီချက်တစ်ရပ်ကို လက်မှတ်ရေးထိုးခဲ့ကြသည်။

ထိုသို့ ရုရှားရေနံစိမ်းများ တင်သွင်းပြီး ထုတ်လုပ်သည့် လောင်စာဆီအမျိုးမျိုးတွင် ဒီဇယ်ဆီ ဥရောပသို့ တင်ပို့မှုသည် ၂၀၂၂-၂၃ ဘဏ္ဍာရေးနှစ်တွင် ၁၅၀,၀၀၀-၁၆၇,၀၀၀ bpd ရှိခဲ့သည်။
အိန္ဒိယဒီဇယ်ကို ဥရောပတိုက်မှ အဓိကဝယ်ယူသည့် နိုင်ငံများမှာ ပြင်သစ်၊ တူရကီ၊ ဘယ်လ်ဂျီယံနှင့် နယ်သာလန်တို့ဖြစ်သည်။
.
အိန္ဒိယ ဂျက်လေယာဉ်ဆီ တင်ပို့မှုတွင် ၅၀%ခန့်ကို ဥရောပသို့ တင်ပို့သည်။ ၇၀,၀၀၀~၇၅,၀၀၀ bpd ဝန်းကျင် ၂၀၂၂-၂၃ တွင် တင်ပို့ခဲ့သည်။ ၂၀၂၁-၂၂ တွင် ၄၀,၀၀၀-၄၂,၀၀၀ bpd တင်ပို့ခဲ့သည်။

အိန္ဒိယ ရေနံထုတ်ကုန်အမျိုးမျိုး တင်ပို့မှု

ဥရောပသို့ တင်ပို့မှု တိုးမြှင့်ခြင်းအပြင် အိန္ဒိယသည် အမေရိကန်သို့ ဓာတ်ဆီနှင့် ဒီဇယ်ဆီ ထုတ်လုပ်သည့် vacuum gas oil  (VGO) တင်ပို့မှုကိုလည်း မြှင့်တင်ခဲ့သည်။
အမေရိကန်သည် ၂၀၂၂-၂၃ တွင် VGO ၁၁,၀၀၀-၁၂,၀၀၀ bpd ခန့်ကို အိန္ဒိယထံမှ တင်သွင်းခဲ့သည်။
၂၀၂၁-၂၂ တွင် အိန္ဒိယသည် အမေရိကန်သို့ VGO ၅၀၀ bpd ခန့်သာ တင်ပို့ခဲ့သည်။
Source Reuters 
TO GET INSTANT UPDATE 
Join Telegram Channel
https://t.me/Guid4U