လာမည့် ၂၀၂၁ ခုနှစ်တွင် အစားထိုး ရုံးပိတ်ရက် စုစုပေါင်း (၁၃၄) ရက်ရှိ

ပြည်ထောင်စုအစိုးရသည် ၂၀၂၁ ခုနှစ်အတွင်း အများပြည်သူရုံးပိတ်ရက်များအနက်မှ စနေ၊ တနင်္ဂနွေနှင့် တိုက်ဆိုင်နေသော ပိတ်ရက်များကို အစားထိုးရုံးပိတ်ရက်များအဖြစ် သတ်မှတ်ထားကြောင်း ကြေညာချက် ထုတ်ပြန်ထားသည်။ ပြည်ထောင်စုအစိုးရအဖွဲ့မှ ကြေညာခဲ့သော အစားထိုးရုံးပိတ်ရက်များမှာ အောက်ပါအတိုင်း လအလိုက် ဖော်ပြထားပြီး တစ်နှစ်အတွင်း အစားထိုးရုံးပိတ်ရက်များသည် ရက် ( ၃၀ ) ရက်ရှိပြီး စနေ၊ တနင်္ဂနွေ အပါအဝင် စုစုပေါင်း (၁၃၄) ရက်တိတိ ရှိသည်။

ဇန်နဝါရီလ ( ရုံးပိတ်ရက်ပေါင်း - ၃ ရက် )

နိုင်ငံတကာနှစ်သစ်ကူးနေ့ - ၁ ရက် ( ၁.၁.၂၀၂၁ )

လွတ်လပ်ရေးနေ့ - ၁ ရက် ( ၄.၁.၂၀၂၁ )

ကရင်နှစ်သစ်ကူးနေ့ - ၁ ရက် ( ၁၃.၁.၂၀၂၁ )

ဖေဖော်ဝါရီလ ( ရုံးပိတ်ရက် - ၁ ရက် )

ပြည်ထောင်စုနေ့ - ၁ ရက် ( ၁၂.၂.၂၀၂၁ )

မတ်လ ( ရုံးပိတ်ရက်ပေါင်း - ၅ ရက် )

တောင်သူလယ်သမားနေ့ - ၁ ရက် ( ၂.၃.၂၀၂၁ )

တပေါင်းလပြည့်နေ့ - ၂ ရက် ( ၂၆ - ၂၇.၃.၂၀၂၁ )

တပ်မတော်နေ့ - ၃ ရက် ( ၂၇ - ၂၉.၃. ၂၀၂၁ )

ဧပြီလ ( ရုံးပိတ်ရက်ပေါင်း - ၉ ရက် )

မြန်မာ့နှစ်သစ်ကူးပိတ်ရက်များ - ၇ ရက် ( ၁၃ - ၁၉.၄.၂၀၂၁ )

ကမ္ဘာအလုပ်သမားနေ့ - ၂ ရက် ( ၃၀.၄.၂၀၂၁ - ၁.၅.၂၀၂၁ )

မေလ ( ရုံးပိတ်ရက် - ၁ ရက် )

ကဆုန်လပြည့်နေ့ - ၁ ရက် ( ၂၅.၅.၂၀၂၁ )

ဇွန်လတွင် အစားထိုးရုံးပိတ်ရက် မရှိပေ။

ဇူလိုင်လ ( ရုံးပိတ်ရက်ပေါင်း - ၂ ရက် )

အာဇာနည်နေ့ - ၁ ရက် ( ၁၉.၇.၂၀၂၁ )

ဝါဆိုလပြည့်နေ့ - ၁ ရက် ( ၂၃.၇.၂၀၂၁ )

ဩဂုတ်လနှင့် စက်တင်ဘာလတို့တွင် အစားထိုးပိတ်ရက် မရှိပေ။

အောက်တိုဘာလ ( ရုံးပိတ်ရက်ပေါင်း - ၃ ရက် )

သီတင်းကျွတ်ရုံးပိတ်ရက်များ - ၃ ရက် ( ၁၉ - ၂၁.၁၀.၂၀၂၁ )

နိုဝင်ဘာလ ( ရုံးပိတ်ရက်ပေါင်း - ၄ ရက်)

တန်ဆောင်တိုင်ရုံးပိတ်ရက်များ - ၂ ရက် ( ၁၇ - ၁၈.၁၁.၂၀၂၁ )

အမျိုးသားအောင်ပွဲနေ့ - ၂ ရက် ( ၁၈ - ၂၉.၁၁.၂၀၂၁ )

ဒီဇင်ဘာလ ( ရုံးပိတ်ရက်ပေါင်း - ၂ ရက်)

ခရစ္စမတ်နေ့ - ၁ ရက် ( ၂၅.၁၂.၂၀၂၁)

နိုင်ငံတကာနှစ်သစ်ကူးနေ့ - ၁ ရက် ( ၃၁.၁၂.၂၀၂၁)

ဒီပါဝါလီနေ့၊ အီဒုလ်အဿွာဟာနေ့များကို သီးခြား ဘဏ်ပိတ်ရက်များကိုလည်း သက်ဆိုင်ရာ အဖွဲ့အစည်းမှ ကြေညာသွားမည် ဖြစ်ကြောင်း အသိပေး ကြေညာထားသည်။

အများပြည်သူ အလုပ်ပိတ်ရက်များအတွက် ခံစားခွင့် မနစ်နာစေရန် ပြည်ထောင်စုသမ္မတ မြန်မာနိုင်ငံတော် အတွင်းရှိ ရုံးများ​၏ ပိတ်ရက်နှင့် လွှဲပြောင်းနိုင်သည့် စာချုပ်စာတမ်းများ အက်ဥပဒေပုဒ်မ (၂၅) အရ တစ်ဆက်တည်းဖြစ်သော ရုံးဖွင့်ရက်များဖြင့် အစားထိုးဖြည့်စွက် ပိတ်ပေးလိုက်ခြင်း ဖြစ်သည်။