ဂျပန်တွင် ၁၁လဆက်တိုက် အလုပ်လက်မဲ့ဦးရေ မြင့်တက်လာ

ဂျပန်နိုင်ငံ အစိုးရ၏ နောက်ဆုံးရရှိသော အချက်အလက်အရ အလုပ်လက်မဲ့ ဦးရေမှာ အစောပိုင်းနှစ်နှင့် နှိုင်းယှဉ်ပါက ဒီဇင်ဘာလတွင် အလုပ်လက်မဲ့ဦးရေ ၄၉၀,၀၀၀ ရှိလာသည်ဟု သိရသည်။ 

ကိန်းဂဏန်း ဖော်ပြချက်အရ အလုပ်လက်မဲ့ ဦးရေသည် ၁၁ လဆက်တိုက် မြင့်တက်လာခဲ့သည်။ပြည်ထဲရေး ဝန်ကြီးဌာနက နောက်ဆုံးရ အချက်အလက်ကို ယနေ့တွင် ထုတ်ပြန်ခဲ့ရာ၌ အလုပ်လက်မဲ့ ဦးရေ ၁ ဒသမ ၉ သန်းကျော် ရှိကြောင်း ဖော်ပြထားသည်။ 

ကိုဗစ် အရေးပေါ်အခြေအနေ ကြေညာခြင်း မပြုမီ စစ်တမ်းကောက်ယူမှု ပြုလုပ်ပြီးနောက် ကိုရိုနာဗိုင်းရပ်စ် ကူးစက်မှုများ ပြန်လည်ဖြစ်ပေါ်လာခြင်း၏ အကျိုးသက်ရောက်မှု ရှိပုံပေါ်သည်ဟု ဝန်ကြီးဌာန အရာရှိများက ဆိုပါသည်။

ထိုဝန်ကြီးဌာနက ၂၀၂၀ ခုနှစ်တွင် အလုပ်လက်မဲ့နှုန်းကို ထုတ်ပြန်ခဲ့ရာ ကိန်းဂဏန်း ဖော်ပြချက်အရ ၂၀၂၀ခုနှစ်တွင် ၂ ဒသမ ၈ ရာခိုင်နှုန်းရှိသည်။ ၂၀၁၉ ခုနှစ်က အလုပ်လက်မဲ့နှုန်း ၂ ဒသမ ၄ ရာခိုင်နှုန်းသာ ရှိခဲ့သည်။

ကိန်းဂဏန်း ဖော်ပြချက်အရ ယခင်နှစ်ကထက် အလုပ်လက်မဲ့ ဦးရေမြင့်တက်ခဲ့ပြီး ထိုမြင့်တက်မှုသည် ၁၁ နှစ်အတွင်းတွင် ပထမဆုံးအကြိမ် ဖြစ်ပါသည်။

MDN