မတည်ငြိမ်မှု ကြီးထွားနေသဖြင့် ဂျပန်လုပ်ငန်းများ လုပ်ငန်းထိခိုက်မယ့်အရေး စိုးရိမ်နေ

စစ်တပ်မှ အာဏာရယူပြီးသည့်နောက် ခြောက်လရှိလာချိန်အထိ နိုင်ငံအခြေအနေ မတည်ငြိမ်သဖြင့် မြန်မာပြည်တွင်းမှာ လုပ်ကိုင်နေကြတဲ့ ဂျပန်ကုမ္ပဏီများ၊ မြန်မာနိုင်ငံမှ တတ်ကျွမ်းလုပ်သားတွေ၊ လုပ်ခသက်သာတဲ့ လုပ်သားတွေ ရယူနေတဲ့ ဂျပန်ကုမ္ပဏီများ အနေဖြင့် ရေရှည်မဟာဗျူဟာများအပေါ် ထိခိုက်နိုင်မယ့်အရေးကို ပူပန်နေကြတယ်။

မြန်မာပြည်နဲ့ ပတ်သက်တဲ့ ဂျပန်ကုမ္ပဏီ ၄၀၀ ‌ကျော်တို့က အချိန်ဆွဲထားခြင်း၊ အချိန်ရွှေ့ဆိုင်းခြင်း စသဖြင့် အလုပ်တွေကို နှေးထားတဲ့ ခြေလှမ်းတွေ လှမ်းကြတယ်။ တချို့ကုမ္ပဏီတွေက စစ်တပ်နဲ့ သူတို့အကြား အချိတ်အဆက်တွေကို ပြန်သုံးသပ်ကြတယ်။ 
သာဓကအားဖြင့် Kirin Holdings Co က ဖေဖော်ဝါရီလတုန်းက မြန်မာ့စီးပွားရေးဦးပိုင် အများနှင့်သက်ဆိုင်သောကုမ္ပဏီလီမိတက်နဲ့ လက်တွဲထားတာ အဆုံးသတ်မယ်လို့ ပြောကြားခဲ့တယ်။ ကုလသမဂ္ဂက မြန်မာ့စီးပွားရေးဦးပိုင် အများနှင့်သက်ဆိုင်သောကုမ္ပဏီလီမိတက်ကို စစ်တပ်ထိပ်ပိုင်းမှာ ရှိသူတွေက ပိုင်ဆိုင်တယ်လို့ ဖော်ထုတ်သတ်မှတ်ထားပါတယ်။ အဆုံးသတ်မယ့် အစီအစဉ်ကို လောလောဆယ်မှာ Kirin က ဆွေးနွေးညှိနှိုင်းနေပါတယ်။ 

တစ်စိတ်တစ်ဒေသအားဖြင့် ဘေးကင်းလုံခြုံရေး အကြောင်းများကြောင့်  Suzuki Motor Corp က ရန်ကုန်မှာ ရှိတဲ့ စက်ရုံနှစ်ရုံကို ရပ်ဆိုင်းထားလိုက်ပါတယ်။ စက်ရုံသစ်တစ်ရုံ စတင်ဖို့ကိုလည်း ရက်ရွှေ့ဆိုင်းထားပါတယ်။ 
Toyota Motor Corp ကလည်း သီလဝါ အထူးစီးပွားရေးဇုန်မှာတည်ရှိတဲ့ ကားထုတ်လုပ်ရေး စက်ရုံအသစ်ကို  စတင်ဖို့ ရက်ရွှေ့ဆိုင်းထားလိုက်ပါတယ်။ 
အသင့်စားခေါက်ဆွဲခြောက် ပြုလုပ်သူ Acecook Co က ထုတ်လုပ်မှု ရပ်ထားလိုက်ပြီး ဂျပန်ဝန်ထမ်းတွေကို သူတို့ရဲ့ဘေးကင်းလုံခြုံရေးအတွက် ဂျပန်နိုင်ငံသို့ ပြန်ခေါ်ထားလိုက်ပါတယ်။ 
“အလားအလာ မျှော်လင့်ချက်တွေက အုံ့မှိုင်းနေတယ်။ ပြန်စလုပ်သင့်သလား၊ ထွက်သွားသင့်လားဆိုတာ ကျွန်တော်တို့ မပြောနိုင်ဘူး” လို့ ပြောရေးဆိုခွင့် ရှိသူက ပြောကြားပါတယ်။

မြန်မာပြည်မှ တတ်ကျွမ်းလုပ်သားတွေ ခေါ်ယူပြီး ဂျပန်မှာ အလုပ်ခန့်တဲ့ ဂျပန်ကုမ္ပဏီတွေလည်း ကမေက်ကမတွေ ဖြစ်ရတာနဲ့ မကင်းလွတ်ကြဘူး။ ရင်ဆိုင်ကြရတယ်။ 

နာမည်ကြီး ခေါက်ဆွဲစက်ထုတ်လုပ်တဲ့လုပ်ငန်း Yamato Manufacturing Co က ဂျပန်နိုင်ငံ အနောက်ပိုင်းမှာ တည်ရှိပြီး အူဒံဂျုံခေါက်ဆွဲ ထုတ်တဲ့စီရင်စုအဖြစ် နာမည်ကြီးတဲ့ ကာဂါဝါ စီရင်စုမှာ အခြေစိုက်ထားတယ်။ ဒေသတွင်း ယှဉ်ပြိုင်နိုင်စွမ်း အားကောင်းအောင် ရည်ရွယ်ချက်ရဲ့ အစိတ်အပိုင်းတစ်ခု အဖြစ်လည်းကောင်း၊ အရှေ့တောင်အာရှမျာ စက်ရုံတွေ ထူထောင်ပြီး ထုတ်လုပ်ဖို့ ရည်ရွယ်ချက်အတွက် လည်းကောင်း ကုမ္ပဏီက အရှေ့တောင်အာရှနိုင်ငံတွေ လုပ်သားတွေကို ငှားရမ်းတယ်။

Yamato ရဲ့ ဉက္ကဋ္ဌ ဖြစ်သူ Kaoru Fujii က ရှင်းပြခဲ့တာမှာ ဂျပန်မှာ အင်ဂျင်နီယာ ဖြစ်ချင်တဲ့ လူငယ်တွေ နည်းပါးတယ်။ မြန်မာ အပါအဝင် ပြည်ပမှ အလုပ်လျှောက်ထားသူတွေက ဂျပန်မှ အလုပ်လျှောက်ထားသူတွေထက်  များသောအားဖြင့် အင်္ဂလိပ်စာ ပိုကောင်းကြပြီး သင်ယူဖို့ စိတ်အားထက်သန်မှု ပိုရှိကြတယ်။ သူက မြန်မာပြည်ရဲ့ အခြေအနေတွေ မြန်မြန်ဆန်ဆန် တိုးတက်ကောင်းမွန်လာလိမ့်မယ်လို့ မမြင်ဘူး။ ဆိုးဝါးနေတဲ့ အခြေအနေမှာ ကိုဗစ် လှိုင်းထတာကြောင့် အခြေတကျတည်ငြိမ်ဖို့ နှစ်အတန်ကြာ အချိန်ယူရလိမ့်မယ်လို့ သူက မျှော်လင့်ထားတယ်။ 
သူ့လုပ်ငန်းမှာ လုပ်ကိုင်တဲ့ မြန်မာအမျိုးသမီး အင်ဂျင်နီယာက ယခင်တုန်းက တိုကျိုမြို့မှာ လုပ်ကိုင်ခဲ့ပြီး Yamato ကို မေလမှာ ဝင်ရောက်လုပ်ကိုင်ခဲ့သူ ဖြစ်ပြီး သူက ဂျပန်ပြည်ကို လာရတာ သူ့အသက်မွေးပညာကို ဖွံ့ဖြိုးဖို့ အခွင့်အလမ်းတွေ ရနိုင်တာကြောင့် ဖြစ်ပါတယ်။ သူ့နဲ့တစ်နယ်တည်းသားတွေအဖို့တော့ သူ့လို လုပ်ကိုင်ဖို့  အာဏာသိမ်းတာကြောင့် ပိုခက်ခဲသွားမှာ စိုးရိမ်ပါတယ်။ 
“ဂျပန်နိုင်ငံကို လာဖို့ ကြိုးပမ်းနေကြသူတွေ အများအပြား ရှိပါတယ်။ အာဏာသိမ်းတာကြောင့် လုပ်ဖို့ အခွင့်မသာကြတော့ဘူး။ မြန်မာနိုင်ငံ အခြေအနေကို ဂျပန်လူ့အဖွဲ့အစည်းက  စိတ်ဝင်တစားရှိတာ ဆက်လက်ထိန်းသိမ်းထားလိမ့်မယ်လို့ ကျွန်မ မျှော်လင့်ပါတယ်”
Association of Japan Myanmar Mutual Cooperation ရဲ့အဆိုအရ ဂျပန်ကုမ္ပဏီတွေက ကိုရိုနာဗိုင်းရပ်စ်နဲ့ နိုင်ငံရေး မတည်ငြိမ်မှုတွေ ရှိနေပေမဲ့လည်း သိပ္ပံနဲ့ အင်ဂျင်နီယာ နယ်ပယ်တို့မှ  မြန်မာဘွဲ့ရတွေကို ငှားရမ်းဖို့ စိတ်ထက်သန်မှု ဆက်ရှိနေဆဲ ဖြစ်ပါတယ်။ 

ဂျပန်မှ အမြတ်အစွန်းအတွက် မရည်ရွယ်သော အဖွဲ့အစည်း (NPO nonprofit organization)က မြန်မာမှာ လူ့အရင်းအမြစ် ဖွံ့ဖြိုးရေးကို ထောက်ကူတာ ၁၉၉၇ ခုနှစ်ကတည်းက ဖြစ်ပါတယ်။ နည်းပညာဆိုင်ရာ ကျွမ်းကျင်သူများ ဖလှယ်မှု မြှင့်တင်ရေး၊ ကျောင်းသူကျောင်းသားတွေကို ဂျပန်စာသင်တန်းများ ပေးအပ်ရေးနဲ့ ဂျပန်လုပ်ငန်းများနဲ့ သူတို့ကို မိတ်ဆက်ပေးရေး စတာတွေကို ဆောင်ရွက်ပါတယ်။ 
“NPO ဂျပန်စာ သင်နေတဲ့ ကျောင်းသူကျောင်းသားတွေနဲ့ အွန်လိုင်း အလုပ်အင်တာဗျူးတွေကို ဂျပန်ကုမ္ပဏီတွေနဲ့ အပတ်စဉ်နီးပါး ကျင်းပခဲ့ပါတယ်” လို့ အသင်းရဲ့ အထွေထွေအတွင်းရေးမှူး Shigeru Oyama က ပြောကြားပါတယ်။ 

ယခုအခါ တက်ရောက်သူဦးရေ အကြမ်းအားဖြင့် ၂၆၀ ရှိပြီး ယခင်နှစ်ကထက် ၁၀၀ လောက် နည်းသွားပေမဲ့ လူငယ်တွေကြားမှာ ဂျပန်နိုင်ငံလို့ ဖွံ့ဖြိုးပြီးနိုင်ငံတွေမှာ အလုပ်ရှာချင်တဲ့ ဆန္ဒက  သူတို့မှာ ရှိနေပြီး နိုင်ငံရေးမတည်မငြိမ်တဲ့ကြားမှာ အားကောင်းနေဆဲ ဖြစ်တယ်လို့ သူက ပြောပါတယ်။ 
ဂျပန်ကုမ္ပဏီတွေထံမှ အလုပ်ရထားသူ သင်တန်းသူသင်တန်းသား ၄၀ လောက်က ဂျပန်ကို ဝင်ဖို့အတွက် လူဝင်မှုကြီးကြပ်ရေး အာဏာပိုင်တွေထံမှ ခွင့်ပြုမိန့်ကို စောင့်နေကြတယ်လို့  Oyama က ပြောကြားပါတယ်။ 

ဂျပန်မှာ လုပ်ခနိမ်ကျတဲ့ အချို့လုပ်ငန်းတွေ၊ အထူးသဖြင့် လူဉီးရေနည်းနဲ့ ကျေးလက်ဒေသတွေမှာ ပြည်ပလုပ်သားတွေကို အားကိုးအားထား ပြုလာကြရပြီး အစိုးရမှ စပွန်ဆာလုပ်တဲ့ အစီအစဉ်အောက်မှာ နည်းပညာဆိုင်ရာ အလုပ်သင်လို့ ခေါ်ဝေါ်တဲ့ အလုပ်တွေကို အာရှနိုင်ငံတွေမှ ခေါ်ယူပါတယ်။ 

စီရင်စုတွေအကြား အသက် ၆၅နှစ်အထက် လူဉီးရေ အချိုးအစား ပိုမြင့်မားတဲ့ ကဂါဝါ စီရင်စုဟာ ကမ္ဘာ့အသက်အကြီးဆုံး လူဉီးရေ နေထိုင်တဲ့ စီရင်စုဖြစ်ပြီး ဗီယက်နမ်နဲ့ မြန်မာတို့မှ အလုပ်သင်တွေ ပိုများလာချိန်မှာ တရုတ်ပြည်မှ လုပ်သားတွေ လျော့ကျနေပါတယ်လို့ Sanuki Chamber of Commerce မှာ အရာရှိဖြစ်သူ Shu Yamamoto က ပြောကြားပါတယ်။ 

အဲဒီ အစိုးရမှ စပွန်ဆာလုပ်တဲ့ အစီအစဉ်မှာ တရုတ်တွေက ကြီးမားတဲ့အချိုးအစားဖြင့် ရှိနေဆဲဖြစ်ပေမဲ့ သူတို့အဖို့ လိုချင်စရာ သိပ်မကောင်းတော့ဘူး။ ဘာလို့လဲဆိုတော့ ကျေးလက်မှာ တရုတ်တွေကို ပေးတဲ့အဆင့်မျိုးက မြို့ပြမှာ အလုပ်ရဖို့ ဂျပန်ကို ရောက်လာကြတဲ့ တရုတ်လုပ်သားတွေနဲ့ အတူတူ ဖြစ်နေတယ်လို့ Yamamoto  က‌ ပြောကြားပါတယ်။ 
Sanuki Chamber of Commerce က တရုတ်လုပ်သားတွေနဲ့သာ လုပ်ကိုင်တယ်။ “ မြန်မာမှ လာတဲ့ လုပ်သားတွေကို လက်ခံတဲ့ တခြားအဖွဲ့အစည်းတွေက အလုပ်သင်တွေက နိုင်ငံရေး မတည်ငြိမ်တဲ့ကြားမှာ လာမှာလားဆိုတာ စိုးရိမ်နေကြတယ်လို့  ကြားသိရတယ်။ သူတို့က တချို့ကုမ္ပဏီတွေအတွက် တန်ဖိုးရှိတဲ့ လုပ်သားအင်အားစု တစ်ရပ် ဖြစ်ပါတယ်” လို့ Yamamoto  က ပြောကြားပါတယ်။ 

Yamato ရဲ့ ဉက္ကဋ္ဌ ဖြစ်သူ Kaoru Fujii က မြန်မာပြည်မှာ ဘေးကင်းကင်းဖြင့် ဖြေရှင်းနိုင်လိမ့်မယ်လို့ သူမျှော်လင့်ကြောင်း ပြောကြားပါတယ်။ မြန်မာမှ သာမန်လူတွေရဲ့ ဘဝကို အာဏာသိမ်းတာက ဖရိုဖရဲ ဖြစ်စေတယ်။ မြန်မာမှ စီးပွားရေးလုပ်ငန်းကဏ္ဍက ဆောလျင်စွာ ငြိမ်းအေးတည်ငြိမ်မှုရခြင်းနဲ့အတူ ကြီးထွားနိုင်လိမ့်မယ်လို့ သူတင်မြင်ကြောင်းလည်း ပြောကြားပါတယ်။ 
 

Source: japantoday.com