မြန်မာ့ စီးပွားရေး ၁ ရာခိုင်နှုန်းမျှသာ ကြီးထွားမည်ဟု ကမ္ဘာ့ဘဏ် ပြောကြား

မြန်မာ့ စီးပွားရေး ၁ ရာခိုင်နှုန်းမျှသာ ကြီးထွားမည်ဟု ကမ္ဘာ့ဘဏ် ပြောကြား

TO GET INSTANT UPDATE
Join Telegram Channel
https://t.me/Guid4U

မြန်မာ့စီးပွားရေးသည် ၂၀၂၄ ခုနှစ် မတ်လတွင် ကုန်ဆုံးသော ဘဏ္ဍာနှစ်တွင် တစ်နှစ်အတွင်း ၁ ရာခိုင်နှုန်းသာ တိုးတက်မည်ဟု ကမ္ဘာ့ဘဏ်က အင်္ဂါနေ့(ဒီဇင်ဘာ ၁၂)က ထုတ်ပြန်သည့် အစီရင်ခံစာတွင် ဖော်ပြထားသည်။

စိုက်ပျိုးရေး၊ ကုန်ထုတ်လုပ်မှုနှင့် ကုန်သွယ်မှုအပါအဝင် အဓိကကဏ္ဍများတွင် ကျယ်ကျယ်ပြန့်ပြန့် အခြေခံထားသောနှေးကွေးမှု ဖြစ်ပေါ်နေသည်။

အနောက်နိုင်ငံမှ ရင်းနှီးမြုပ်နှံသူ အများအပြား မြန်မာနိုင်ငံမှ ထွက်သွားကြပြီး ကျယ်ပြန့်သော ပိတ်ဆို့ အရေးယူမှုများသည် ကုန်သွယ်မှုကို ထိခိုက်စေပြီး နိုင်ငံခြား အရန်ငွေများ လျော့နည်းနေခြင်းကြောင့် ပုဂ္ဂလိက ကဏ္ဍ၏ နိုင်ငံခြားငွေ သုံးစွဲခွင့်သည် အဓိက အခက်အခဲ ဖြစ်နေသည်။

"ပဋိပက္ခများ မြင့်တက်လာခြင်း၊ ကုန်သွယ်မှုနှင့် ထောက်ပံ့ပို့ဆောင်ရေး ပြတ်တောက်မှုများ ရှိနေခြင်း၊  ကျပ်ငွေတန်ဖိုး မတည်မငြိမ်ဖြစ်မှုနှင့် ငွေကြေးဖောင်းပွမှု မြင့်မားခြင်းတို့ ပေါင်းဆုံနေခြင်းကြောင့် စီးပွားရေးလုပ်ငန်းများနှင့် စီးပွားရေးလုပ်ငန်းများအပေါ် အနုတ်လက္ခဏာဆောင်သော သက်ရောက်မှုများ ဖြစ်ပေါ်နေသဖြင့်  မြန်မာနိုင်ငံတွင် စီးပွားရေး တိုးတက်မှု အနည်းငယ်သာ ရရှိမည်ဟု မျှော်မှန်းထားသည်" ဟု ကမ္ဘာ့ဘဏ်၏ အစီရင်ခံစာတွင် ဖော်ပြထားသည်။

မြန်မာ့စီးပွားရေးသည် ၂၀၂၉ ခုနှစ်ထက် ၁၀ ရာခိုင်နှုန်း သေးငယ်နေပြီး အရှေ့တောင်အာရှတွင် ကပ်ရောဂါအကြိုအဆင့်သို့ ပြန်မရောက်နိုင်သေးသည့် တစ်ခုတည်းသော စီးပွားရေးဖြစ်ကြောင်း အစီရင်ခံစာတွင် ဖော်ပြထားသည်။

ဇွန်လကုန်အထိ ၁၂ လတာကာလအတွက် စားသုံးကုန် စျေးနှုန်းများ ၂၉ ရာခိုင်နှုန်းနီးပါး မြင့်တက်လာသည်ကို မီးမောင်းထိုးပြထားသည်။

ကမ္ဘာ့ဘဏ်မှ အစီရင်ခံစာအတွက် သတင်းထုတ်ပြန်ချက်ကို ဖော်ပြအပ်ပါသည်။

ပဋိပက္ခနှင့် ငွေကြေးဖောင်းပွမှုကြောင့် မြန်မာ့စီးပွားရေး နလံထမှု နှေးကွေး

ကုန်ထုတ်ကဏ္ဍများအားလုံးတွင် နှေးကွေးမှု ဆက်လက်ကျယ်ပြန့်လာနေမည်ဟု ခန့်မှန်းသည်။
 ၂၀၂၃ ခုနှစ်- မြန်မာနိုင်ငံသည် ပဋိပက္ခ အခြေအနေများ ၊ ကုန်သွယ်မှုနှင့် ကုန်စည်စီးဆင်းမှု အတားအဆီးများ ၊ ကျပ်ငွေတန်ဖိုး မတည်ငြိမ်မှု နှင့် ငွေကြေးဖောင်းပွမှု အခြေအနေပေါင်းစုံ၏ ရိုက်ခတ်မှုကြောင့် စီးပွားရေးလုပ်ငန်းများနှင့် အိမ်ထောင်စုများအပေါ် အနှုတ်လက္ခဏာဆောင်သည့် သက်ရောက်မှုများဖြစ်ပေါ်လျက်ရှိရာ ကာလတိုအတွက် မြန်မာနိုင်ငံ၏ စီးပွားရေး တိုးတက်မှုနှုန်း အနည်းငယ်သာရှိသည်ဟု ခန့်မှန်းထားကြောင်း ကမ္ဘာ့ဘဏ်၏ တစ်နှစ်လျှင် နှစ်ကြိမ်ထုတ်ပြန်သည့် မြန်မာ့စီးပွားရေး စောင့်ကြည့်လေ့လာမှု အစီရင်ခံစာက ဆိုသည်။

“ပဋိပက္ခကြားမှ စိန်ခေါ်မှုများ" ဟု အမည်ပေးထားသည့် အစီရင်ခံစာအရ မြန်မာနိုင်ငံ၏ စီးပွားရေး တိုးတက်မှုနှုန်းသည် မတ်လ ၂၀၂၄ အထိ တစ်နှစ်အတွင်း ၁ ရာခိုင်နှုန်း သာ ရှိသည်ဟု ခန့်မှန်းသည်။ အောက်တိုဘာလကတည်းက မြန်မာနိုင်ငံတွင်း ပဋိပက္ခများ ဖြစ်ပွားမှု မြင့်တက်လာခဲ့ရာ လူဦးရေ ၅ သိန်းကျော်ခန့် နေရပ်စွန့်ခွာ တိမ်းရှောင်နေကြရပြီး ကုန်သွယ်မှု လမ်းကြောင်းများကို ထိခိုက်စေကာ ကုန်စည် သယ်ယူပို့ဆောင်ရေး စရိတ်များ မြင့်တက်လာခဲ့သည်။

ပဋိပက္ခများ ဖြစ်ပွားမှု အရှိန်အဟုန် ဆက်လက် မြင့်မားလာခြင်း မရှိလျှင်လည်း လာမည့် ၂၀၂၄ ခုနှစ်အတွင်း စီးပွားရေး တိုးတက်မှုနှုန်း နှေးကွေးနေဦးမည်ဖြစ်သည့်အပြင် ၂၀၂၅ ခုနှစ်တွင် စိုက်ပျိုးရေး ၊ ကုန်ထုတ်လုပ်ရေး နှင့် ကုန်သွယ်မှုကဏ္ဍ အပါအဝင် ကုန်ထုတ်ကဏ္ဍများ၌ နှေးကွေးကြန့်ကြာမှုများ ဆက်လက်ကျယ်ပြန့်လာနေနိုင်သည်။ မြန်မာ့နိုင်ငံ၏ စီးပွားရေး ပမာဏသည် ၂၀၁၉ ခုနှစ်နှင့် နှိုင်းယှဉ်ပါက ၁၀ ရာခိုင်နှုန်း ဆက်လက် နိမ့်ကျလျက်ရှိသောကြောင့် အရှေ့တောင်အာရှဒေသတွင် ကမ္ဘာ့ကပ်ရောဂါ မတိုင်မီ ရှိခဲ့သည့် စီးပွားရေးအခြေအနေသို့ ပြန်မရောက်နိုင်သည့် တစ်ခုတည်းသော နိုင်ငံအဖြစ် ဆက်လက် တည်ရှိနေသည်။

ယခုနှစ်ဇွန်လအထိ ၁၂ လတာ ကာလအတွင်း စားသုံးကုန်ပစ္စည်းများ တန်ဖိုးသည် ၂၉ ရာခိုင်နှုန်း အထိ မြင့်တက် လာခဲ့သည့်အပြင် မကြာသေးခင်က မြန်မာကျပ်ငွေ တန်ဖိုး ကျဆင်းမှုနှင့် ပဋိပက္ခများ ကျယ်ပြန့်လာခြင်းတို့ကြောင့် ကုန်ဈေးနှုန်းများ ဆက်လက် မြင့်တက်လာနေဆဲဖြစ်သည်။ အိမ်ထောင်စုဝင်ငွေများ ဆိုးဆိုးရွားရွား ဆက်လက် ကျဆင်း နေဆဲဖြစ်သည်။ ၂၀၂၃ ခုနှစ် နှစ်လယ်တွင် IFPRI က ကောက်ယူခဲ့သည့် စစ်တမ်းအချက်အလက်များအရ အိမ်ထောင်စုများ၏ ၄၀ ရာခိုင်နှုန်းက ယခင်နှစ်ကထက် ဝင်ငွေ ကျဆင်းခဲ့ကြောင်း ဖြေကြားခဲ့ကြပြီး ကာလလတ် အမှန် ဝင်ငွေမှာ ၁၀ ရာခိုင်နှုန်းခန့် ကျဆင်းခဲ့သည်။ စားနပ်ရိက္ခာ ဖူလုံမှုညွှန်းကိန်းများ ပိုမိုဆိုးရွားလာခဲ့သည်။

*စီးပွားရေးအခြေအနေတွေ ဆိုးရွားလာနေပြီး အနာဂတ်အတွက် မသေချာမရေရာမှုတွေကလည်း ပိုပြီး ဆိုးလာပါတယ်။ စားသောက်ကုန်ဈေးနှုန်း မြင့်တက်လာတာကြောင့် ဝင်ငွေ အများစုကို အစားအစာအတွက်သာ သုံးစွဲနေရတဲ့၊ ကုန်ဈေးနှုန်း မြင့်တက်မှု ပိုမြန်တဲ့ ဒေသတွေမှာ နေထိုင်ရတဲ့ အခြေခံလူတန်းစားများကို ပိုပြီး ထိခိုက်စေပါတယ်” ဟု ကမ္ဘာဘဏ်၏ မြန်မာ၊ ကမ္ဘောဒီးယားနှင့် လာအို ပြည်သူ့သမ္မတနိုင်ငံတော် ဌာနေကိုယ်စားလှယ် မာရီယမ်ရွာမန် ကပြောကြားခဲ့သည်။

စီးပွားရေးလုပ်ငန်း ညွှန်းကိန်းများသည် ၂၀၂၃ ခုနှစ် နှစ်လယ်ကတည်းက ဆိုးရွားလာနေခဲ့သည်။ စက်တင်ဘာလတွင် ၎င်းတို့ လုပ်နိုင်စွမ်း၏ ၅၆ ရာခိုင်နှုန်းခန့်သာ လည်ပတ်နိုင်ခဲ့သော စီးပွားရေးလုပ်ငန်းများက မတ်လမှစတင်၍ ၁၆ ရာခိုင်နှုန်းခန့် ပိုမို ကျဆင်းသွားခဲ့သည် ဟုဆိုသည်။ လက်လီအရောင်းသမားများအတွက် အရောင်းကျဆင်းလာခြင်းက အဓိက စိန်ခေါ်မှု ဖြစ်သည်။

အစီရင်ခံစာ၏ အထူးကဏ္ဍတွင် ပြီးခဲ့သည့် ဆယ်စုနှစ်ကတည်းက အလုပ်အကိုင် ဖန်တီးမှုနှင့် ဝင်ငွေအတွက် အဓိက တွန်းအားဖြစ်သည့် မြန်မာ့ အထည်ချုပ်စက်ရုံလုပ်ငန်းများ၏ အခြေအနေအပေါ် သုံးသပ် ဆွေးနွေးထားပါသည်။ သို့ရာတွင် ပဋိပက္ခ၊ မြင့်မားသော ကုန်စည် သယ်ယူပို့ဆောင်စရိတ်များ ၊ ကုန်သွယ်မှုနှင့် နိုင်ငံခြားငွေ လဲလှယ်ရေးဆိုင်ရာ စည်းမျဉ်းများ နှင့် လျှပ်စစ်ဓာတ်အား ပြတ်တောက်မှုများက စီးပွားရေး လုပ်ငန်း ကုန်ကျစရိတ် အပေါ် ထပ်မံဖိစီးနေသဖြင့် နိုင်ငံတကာ ဈေးကွက်ယှဉ်ပြိုင်နိုင်စွမ်းကို လျော့နည်းသွားစေသည်။

*စီးပွားရေးလုပ်ဆောင်နိုင်တဲ့ အခင်းအကျင်း ကျဆင်းလာမှုနှင့်အတူ အနာဂါတ်အတွက် မရေရာမှုတွေ ပိုများလာတာကြောင့် မြန်မာနိုင်ငံရဲ့ အထည်ချုပ်စက်ရုံများဟာ ရင်းနှီးမြုပ်နှံမှုနဲ့ တိုးချဲ့နိုင်ရေးအတွက် မဟုတ်ဘဲ ရပ်တည်ရှင်သန်ရေးကိုသာ ပိုပြီး အာရုံစိုက်နေကြရပါတယ်။ မကြာသေးခင်က ဖြစ်ပေါ်တိုးတက် ပြောင်းလဲလာမှုတွေကြောင့် အထည်ချုပ်လုပ်ငန်းများသာမက မြန်မာနိုင်ငံရဲ့ စီးပွားရေးတခုလုံး ရဲ့ ရေရှည် ဖွံ့ဖြိုးတိုးတက်မှု အလားအလာအပေါ် အများကြီး အဟန့်အတား ဖြစ်စေနိုင်ပါတယ်”။ ဟု ကမ္ဘာ့ဘဏ်၏ အစီအစဉ်ဦးဆောင်သူ နှင့် အကြီးတန်း စီးပွားရေးပညာရှင် ကင်မ် အယ်လန် အဒ်ဝပ်ကပြောကြားခဲ့သည်။

Source World Bank
TO GET INSTANT UPDATE
Join Telegram Channel
https://t.me/Guid4U