ကာလတူ ပုံမှန်/နယ်စပ် ပို့ကုန်၊ သွင်းကုန် ကုန်သွယ်မှုပမာဏအခြေအနေအားယခင်နှစ်နှင့်နှိုင်းယှဉ်တင်ပြခြင်း

မှတ်ချက်။ အကောက်ခွန်ဦးစီးဌာနမှ အပတ်စဉ်ရရှိသည့် ကုန်သွယ်မှုကိန်းဂဏန်းအချက်အလက်များပေါ်တွင် အခြေခံ ပြုစုထားခြင်းဖြစ်သည့်အတွက် ဗဟိုစာရင်းအင်းအဖွဲ့မှ တရားဝင်ထုတ်ပြန်သည့်စာရင်းများနှင့် အနည်းငယ်ကွဲလွဲမှုရှိနိုင်ပါသည်။

 နယ်စပ်ဆိုင်ကယ်တင်သွင်းမှုအခြေအနေ

နယ်စပ်ကုန်သွယ်ရေးစခန်းများမှ မေ ၂၆ ရက်မှ ဇွန် ၁ ရက်အထိ သီတင်းပတ်အတွင်း အမေရိကန်ဒေါ်လာ ၅ ဒသမ ၁၀၃ သန်းတန်ဖိုးရှိ ဆိုင်ကယ် ၉၇၂၀ စီးတင်သွင်းခဲ့ပါတယ်။

ယခင်တစ်ပတ်က ၉၈၆၈ စီးတင်သွင်းခဲ့တဲ့အတွက် ယခုတစ် ပတ်မှာ ၁၄၈ စီး လျော့နည်းတင်သွင်းခဲ့တယ်လို့ သိရပါတယ်။ မူဆယ်ကုန်သွယ်ရေးဇုန်မှ အမေရိကန်ဒေါ်လာ သုညဒသမ ၄၆၉ သန်းတန်ဖိုးရှိ သုံးဘီးဆိုင်ကယ် ၃၆၃ စီးကိုလည်း တင်သွင်းခဲ့ပါတယ်။

ယခုတစ်ပတ်မှာ ကန်ပိုက်တီ ကုန်သွယ်ရေးစခန်းမှ ဆိုင်ကယ်များ ပိုမိုတင်သွင်းခဲ့သော်လည်း မြဝတီကုန်သွယ်ရေးဇုန်မှ လျော့နည်းတင်သွင်းခဲ့လို့ ယခုတစ်ပတ်မှာ လျော့နည်းရခြင်း ဖြစ်ပါတယ်။

တင်သွင်းမှုကိုကြည့်ပါက တမူးကုန်သွယ်ရေးစခန်းမှ အမေရိကန်ဒေါ်လာ သုညဒသမ ၀၂၄ သန်း တန်ဖိုးရှိ ဆိုင်ကယ် ၂၃ စီး ၊ ကန်ပိုက်တီ ကုန်သွယ်ရေးစခန်းမှ အမေရိကန်ဒေါ်လာ သုည ဒသမ ၀၅၉ သန်းတန်ဖိုးရှိ ဆိုင်ကယ် ၂၇၅ စီး၊ မြဝတီကုန်သွယ်ရေးဇုန်မှ အမေရိကန်ဒေါ်လာ ၂ ဒသမ ၂၆၄ သန်းတန်ဖိုးရှိ ဆိုင်ကယ် ၁၃၇၂ စီး၊ မူဆယ်ကုန်သွယ်ရေးဇုန်မှ အမေရိကန်ဒေါ်လာ ၂ ဒသမ ၇၅၆ သန်းတန်ဖိုး ရှိ ဆိုင်ကယ် ၈၀၅၀ စီး တင်သွင်းခဲ့တယ်လို့ သတင်းရရှိပါတယ်။

 MOC