အာရှဝယ်လက်များအတွက် ဒီဇင်ဘာ ရေနံစိမ်းဈေးနှုန်းများ ဆော်ဒီအာရေဗျ ထုတ်ပြန်ကြေညာ

07 November, 2023

To Get Instant Update
https://t.me/Guid4U
JOIN THE CHANNEL

ဆော်ဒီအာရေဗျမှ နိုင်ငံပိုင် ရေနံလုပ်ငန်းကြီး Saudi Aramco သည် အာရှဝယ်လက်များအတွက် ဒီဇင်ဘာလတွင် သင်္ဘောတင်မည့် ရေနံစိမ်း အကြဲ Arab Light တရားဝင်ရောင်းချသည့်စျေးနှုန်း official selling price (OSP) ကို နိုဝင်ဘာလ ဈေးနှုန်းအတိုင်း မပြောင်းလဲဘဲ ဆက်လက်ထားရှိသည်။
၅ လတိုင်တိုင် တလထက်တလ စျေးနှုန်းတက်ခြင်းကို ခေတ္တရပ်ထားသည်ဟု ကုမ္ပဏီ၏ ထုတ်ပြန်ချက်တွင် ဖော်ပြထားသည်။

အရှေ့အလယ်ပိုင်းဒေသ ရေနံအခရာကျသည့် နိုင်ငံ ဆော်ဒီအာရေဗျက Arab Light အတွက် OSP ကို တစ်စည်ကို အိုမန်/ဒူဘိုင်း ပျမ်းမျှဈေးနှုန်း အထက် ၄ ဒေါ်လာသတ်မှတ်ထားပြီး နိုဝင်ဘာလ ဈေးနုန်းနှင့် အတူတူပင် ဖြစ်သည်။

ရေနံ ထိပ်တန်းတင်ပို့သည့် နိုင်ငံများဖြစ်သော ဆော်ဒီအာရေးဗီးယားနှင့် ရုရှားတို့သည် ယခုနှစ်ကုန်အထိ မိမိဆန္ဒအလျောက် ရေနံတင်ပို့မှု လျှော့ချမည် ဖြစ်ကြောင်း ကြေညာခဲ့သည်ကို Industral Guide တွင် ဖော်ပြခဲ့ပြီး ဖြစ်ပါသည်။

https://www.industrialdirectory.com.mm/article/voluntary-supply-cuts.html
အပြည့်အစုံ ဖတ်ရှုရန် လင့်ကို ထိပါ

ဒီဇင်ဘာလတွင် သင်္ဘောတင်မည့် ရေနံစိမ်း အမျိုးမျိုးတို့အတွက် Saudi Aramco ၏ အာရှဝယ်လက်များအတွက် OSP များတွင် ရေနံစိမ်းအကြဲ Arab Extra Light ကို ၇၀ ဆင့် ဈေးတက်ပြီး တစည်လျှင် အိုမန်/ဒူဘိုင်း ပျမ်းမျှဈေးနှုန်း အထက် $4.05 ဟု သတ်မှတ်သည်။ တလထက်တလ ဈေးတက်ခဲ့သည်မှာ ဆက်တိုက် တတိယမြောက်လ ဖြစ်သည်။

ဆော်ဒီရေနံစိမ်း အာရှအတွက် ဒီဇင်ဘာလ ၂၀၂၃ ဈေးနှုန်းများ
(အိုမန်/ဒူဘိုင်း ပျမ်းမျှဈေးနှုန်း အထက်/အောက် ကွာခြားချက်)
	December	November	Change
SUPER LIGHT	(+)5.45	(+)5.45	0
EXTRA LIGHT	(+)4.05	(+)3.35	(+)0.70
LIGHT	(+)4.00	(+)4.00	0
MEDIUM	(+)3.35	(+)3.45	(-)0.10
HEAVY	(+)2.00	(+)1.70	(+)0.30