ဆော်ဒီအာရေဗျက အာရှအတွက် ရေနံရောင်းဈေးနှုန်းကိုမျှော်မှန်းထားသည်ထက် ပိုမိုတိုးမြှင့် သတ်မှတ်

ဆော်ဒီအာရေဗျက အာရှအတွက် ရေနံရောင်းဈေးနှုန်းကိုမျှော်မှန်းထားသည်ထက် ပိုမိုတိုးမြှင့် သတ်မှတ်

ဆော်ဒီအာရေဗျက ၎င်းရဲ့ အကြီးမားဆုံး အာရှဈေးကွက်အတွက် ရေနံဈေးနှုန်းများကို မျှော်မှန်းထားကြသည်ထက် ကျော်လွန်သည်အထိ တိုးမြှင့်သတ်မှတ်လိုက်ပါတယ်။
အာရှဒေသဟာ ကိုဗစ်ကန့်သတ်တားမြစ်ချက်များ ဖြေလျှော့ပြီး အဟုန်တင်ချိန်မှာ ယခုလို ရေနံစိမ်းနှုန်း တိုးမြှင့်လိုက်တာ ဖြစ်ပါတယ်။

နိုင်ငံပိုင် ရေနံလုပ်ငန်းကြီး Saudi Aramco က ၂၀၂၂ ဖေဖော်ဝါရီလမှာ စတင်ကာ ရေနံဈေးနှုန်းများ ဆက်တိုက် တိုးမြှင်လာခဲ့ရာမှ ပြီးခဲ့တဲ့ လမှာ စံချိန်တင် ဈေးလျှော့ချခဲ့ပြီး ဇူလိုင်လအတွက် ရေနံဈေးနှုန်းများကို ပြန်လည်မြှင့်တင်လိုက်တာ ဖြစ်ပါတယ်ာ 

Aramco က ၎င်းရဲ့ အဓိက ရောင်းကုန် Arab Light ရေနံစိမ်းကို အာရှမှ ဝယ်လက်များအတွက် တစ်စည်ရောင်းဈေး ဇွန်လအတွက် စံဈေးနှုန်း (ပုံတွင် အနီရောင်မျဉ်း)အထက် $2.10 သတ်မှတ်ထားခဲ့ရာမှ စံဈေးနှုန်း အထက် $6.50 လို့ ပြောင်းလဲသတ်မှတ်လိုက်ပါတယ်။ 
 
Saudis Up Prices
Saudi Aramco raises oil pricing as market tightens

Aramco က အနောက်ဥရောပနှင့် မြေထဲပင်လယ်ဒေသအတွက် ရေနံစိမ်း ဈေးနှုန်းများကိုလည်း မြှင့်တင်ပါတယ်။ အမေရိကန်အတွက် ဈေးမပြောင်းတာ ၂ လဆက်တိုက် ရှိပါပြီ။
ကမ္ဘာ့ရေနံအများဆုံး တင်ပို့နေတဲ့ ဘုရင့် ရုရှားက ယူကရိန်းကို ကျူးကျော်ခဲ့တဲ့အခါ ဘုရင့်နိုင်ငံတော် ဆောဒီအာရေဗျက ကာလရှည်စာချုပ်ဖြင့် တင်ပို့တဲ့ ရေနံစိမ်းဈေးနှုန်းများကိုလည်း တိုးမြှင့်ပါတယ်။ တစ်စည်ဈေးနှုန်း $120 နီးပါးသို့ ရောက်ရှိပါတယ်။
အမေရိကန်နှင့် အီးယူတို့ရဲ့ ပိတ်ဆို့အရေးယူခြင်းကြောင့် ရုရှားရေနံ အဝင်နည်းနေချိန်ဖြစ်ပြီး တရုတ်ပြည် လော့ဒေါင်း အဆုံးသတ်လို့ အသုံးများလာချိန် ရေနံဈေးကွက်ထဲ အပိုအလျှံ မရှိချိန်မှာ အာရှအတွက် ရေနံစိမ်း ဈေးနှုန်း တိုးမြှင့် လိုက်တာ ဖြစ်ပါတယ်။

ဆော်ဒီအာရေဗျနှင့် ရုရှား ဦးဆောင်တဲ့ ၂၃ နိုင်ငံ ပါဝင်တဲ့ OPEC+ က ကြာသပတေးနေ့ (ဇွန် ၂) က ရေနံစိမ်း ဈေးကွက်ထဲသို့ ဇူလိုင်နှင့်ဩဂုတ်လတို့မှာ တစ်ရက်  စည်ပေါင်း ၆၄၈,၀၀၀ တိုးမြှင့်ပေးပို့ရန် သဘောတူခဲ့ကြပါတယ်။ ဒါပေမဲ့ အဖွဲ့ဝင်နိုင်ငံ အများစုအဖို့ ရေနံတိုးမြှင့်ထုတ်လုပ်ဖို့ အခက်အခဲများ ရှိနေပါတယ်။ ဆော်ဒီအာရေဗျနှင့် ယူအေအီး ၂ နိုင်ငံသာ တိုးမြှင့်ထုတ်လုပ်နိုင်စွမ်း ရှိပါတယ်။

ဆော်ဒီအာရေဗျ ရေနံစိမ်းတင်ပို့မှု ပမာဏ စုစုပေါင်းရဲ့ ၆၀% ကို အာရှသို့ တင်ပို့ပါတယ်။တရုတ်၊ ဂျပန်၊ တောင်ကိုရီးယားနှင့် အိန္ဒိယ တို့က အများဆုံး ဝယ်ယူကြပါတယ်။