စက်မှုပူးပေါင်းဆောင်ရွက်ရေးဦးစီးဌာနကနေ ၎င်းတို့ဌာနမှာ အသုံးပြုဖို့အတွက် Server နဲ့ ဆက်စပ်ပစ္စည်းတွေကို ဝယ်ယူဖို့ အိတ်ဖွင့်တင်ဒါ ခေါ်ယူလျက် ရှိပါတယ်။
တင်ဒါပုံစံတွေကို မတ်လ ၁၃ ရက်နေ့က စတင် ရောင်းချနေတာ ဖြစ်ပြီး လာမယ့် မတ်လ ၂၉ ရက် ညနေ ၄ နာရီမှာ တင်ဒါပိတ်မှာ ဖြစ်ပါတယ်။
အဆိုပါ Server နဲ့ ဆက်စပ်ပစ္စည်းတွေကို စက်မှုဝန်ကြီးဌာနကနေ မြန်မာကျပ်ငွေနဲ့ ဝယ်ယူသွားမှာ ဖြစ်ပြီး စိတ်ပါဝင်စားတဲ့ လုပ်ငန်းရှင်တွေအနေနဲ့ ပေးပို့ လျှောက်ထားနိုင်ပါတယ်။
တင်ဒါတင်သွင်းရမယ့် လိပ်စာကတော့ စာချုပ်စာတမ်းများ စိစစ်ရေးဌာန၊ စက်မှုပူးပေါင်းဆောင်ရွက်ရေးဦးစီးဌာန၊ စက်မှုဝန်ကြီးဌာန၊ ရုံးအမှတ် ( ၃၀ )၊ နေပြည်တော် ဖြစ်ပါတယ်။
တင်ဒါပုံစံနဲ့ သက်ဆိုင်ရာ အချက်အလက်တွေကို နေပြည်တော်မှာရှိတဲ့ စက်မှုဝန်ကြီးဌာနကို ရုံးချိန်အတွင်း သွားရောက် စုံစမ်းပြီး ဝယ်ယူနိုင်ပါတယ်။
အသေးစိတ် ထပ်မံ သိရှိလိုတဲ့ လုပ်ငန်းရှင်တွေအနေနဲ့ ဖုန်းနံပါတ် ၀၆၇-၄၀၅၃၃၆ ကို ဆက်သွယ် မေးမြန်းလို့ ရသလို စက်မှုဝန်ကြီးဌာန (Ministry of Industry ) တွင်လည်း ဝင်ရောက် ကြည့်ရှုလို့ ရပါတယ်။
Ministry of Industry
Sign In with Google