အရာတော်မြို့နယ်အနီးတစ်ဝိုက်တွင် သနပ်ခါးဇုန်တစ်ခု အကောင်အထည်ဖော်နိုင်ရန် ကြိုးပမ်းနေကြောင်း မြန်မာနိုင်ငံသနပ်ခါးအသင်းမှ သိရသည်။
“သနပ်ခါးဇုန်တစ်ခု တည်ထောင်နိုင်ဖို့အတွက် မြေနေရာကို ကျွန်တော်တို့ အရာတော်သနပ်ခါးအသင်း အနေနဲ့ ပြင်ဆင်နေတယ်။ သနပ်ခါးဇုန်ထဲမှာ အဓိက ဘာတွေပါမလဲဆိုတော့ သနပ်ခါးကိုစိတ်ဝင်စားတဲ့ ပြည်တွင်းပြည်ပ ဧည့်သည်တွေအတွက် သနပ်ခါးနဲ့သက်ဆိုင်သမျှကို လွယ်လင့်တကူလေ့လာနိုင်တဲ့ နေရာ ဖြစ်ရမယ်။ သနပ်ခါးကို တိုက်ရိုက်ဝယ်ယူသွားနိုင်တဲ့ အနေအထားလည်း ဖြစ်ရမယ်။ သနပ်ခါးနဲ့ မျက်နှာပေါင်းတင်တာမျိုးတို့ သနပ်ခါးနဲ့ Spa လုပ်တာမျိုး၊ သနပ်ခါးရေချိုးတာမျိုး၊ သနပ်ခါးမီးပုံပွဲ လိုမျိုးတွေ လုပ်နိုင်ပြီး တည်းခိုးအနားယူနိုင်တဲ့နေရာလည်း ဖြစ်ရမယ်။ ဒါ့အပြင် ဒေသထွက်ပစ္စည်း ဆိုင်တွေ၊ သနပ်ခါးနဲ့ ထုတ်လုပ်တဲ့ တန်ဖိုးမြှင့်ထုတ်ကုန် အရောင်းပြခန်းမျိုးတွေလည်း သနပ်ခါးဇုန် နေရာထဲမှာ ပါဝင်မယ်" ဟု မြန်မာနိုင်ငံ သနပ်ခါးအသင်း၏ ဥက္ကဋ္ဌ ဦးကျော်မိုးက ပြောသည်။
သနပ်ခါးဇုန်ပြုလုပ်ရန် နေရာ (၂)နေရာ အကြမ်းဖျဉ်းရွေးချယ်စီစဉ်ထားပြီး သက်ဆိုင်ရာအဆင့်ဆင့်ထံသို့ တင်ပြအကောင်အထည်ဖော်သွားမည် ဖြစ်သည်။
“နေရာကတော့ အကြမ်းဖျင်းတော့ (၂)နေရာ စီစဉ်ထားတယ်။ အဲ့ဒါကို သက်ဆိုင်ရာ ဝန်ကြီးဌာနက တာဝန်ရှိသူတွေကို တင်ပြမယ်။ နောက်ပြီး တိုင်းဒေသကြီးက ဟော်တယ်နှင့်ခရီးသွားလာရေး ဝန်ကြီးဌာနကိုလည်း အကြံဉာဏ်တောင်းမယ်။ ကိုယ်ကြိုက်တာအပြင် သူတို့က ဘယ်လိုအကြံပေးမလဲ ဆိုတာ အပေါ်မူတည်ပြီး ပေါင်းစပ်ညှိနှိုင်း အကောင်အထည်ဖော်သွားမှာပါ”ဟု ၎င်းက ဆက်လက် ပြောသည်။
သနပ်ခါးသည် မြန်မာ့ရိုးရာအမွေအနှစ်တစ်ခု ဖြစ်သော်လည်း ယခုအခါ သနပ်ခါးစိုက်ခြံအသစ်များအဖြစ် တိုးချဲ့စိုက်ပျိုးသူ မရှိသလောက် ရှားပါးလာခြင်း၊ သနပ်ခါးစိုက်ပျိုးသူများမှ ရာသီပေါ်အပင်များ ပြောင်းလဲစိုက်ပျိုးလာကြခြင်းတို့ ဖြစ်ပေါ်နေသည်
MDN
Sign In with Google