မြန်မာ့စီးပွားရေး ၃ ရာခိုင်နှုန်း တိုးဟု ကမ္ဘာ့ဘဏ် ပြောကြား

မြန်မာ့စီးပွားရေး ၃ ရာခိုင်နှုန်းတိုးဟု ကမ္ဘာ့ဘဏ် ပြောကြား

TO GET INSTANT UPDATE 
Join Telegram Channel
https://t.me/Guid4U

မြန်မာ့စီးပွားရေးသည် ၂၀၂၂ ခုနှစ်တွင် ၃% တိုးတက်လာခဲ့သည်ဟု ကမ္ဘာ့ဘဏ်မှ စီးပွားရေးပညာရှင်များက ပြောသည်။
၂၀၂၃ တွင်လည်း အလားတူ တိုးတက်မှုနှုန်းကို ရရှိနိုင်ဖွယ်ရှိမည်ဟု ကမ္ဘာ့ဘဏ်မှ ၂၀၂၃ ဇန်နဝါရီလ ၃၀ ရက်တွင် ထုတ်ပြန်သည့် အစီရင်ခံစာတွင် ဖော်ပြထားသည်။
မြန်မာ့စီးပွားရေး ရေချိန်သည် ကိုဗစ်မတိုင်ခင်ကထက် ၁၀% ကျော် နိမ့်ကျနေဆဲ ဖြစ်သည်။
တစ်ဦးချင်းအရ အခြေခံအားဖြင့် ကြည့်လျှင် ထနု့ထက်ပင်  ပို၍ပင် နိမ့်ကျနေသည်ဟု ကမ္ဘာ့ဘဏ်က ဆိုသည်။
  
အကယ်၍ ကမ္ဘာ့စီးပွားရေးသည် မျှော်မှန်းထားသည့်အတိုင်း နှေးကွေးနေဦးမည်ဆိုလျှင် ကိုဗစ်ဒဏ်၊ ပြည်တွင်း ပဋိပက္ခ၊ ပြည်ပမှ ပိတ်ဆို့အရေးယူခြင်းများတို့မှ အနည်းငယ်ပြန်လည်ကောင်းမွန်ပြီးနောက်တွင် ပြည်ပပို့ကုန် တင်ပို့မှုများ၊ ရင်းနှီးမြှုပ်နှံမှုများ အားပျော့နိုင်ဖွယ် ရှိသည်။ 

လူနေမှုဘဝများနှင့် အသက်မွေးဝမ်းကြောင်းအပေါ်  အကြီးအကျယ် ထိခိုက်နေသည့် ပြည်တွင်းပဋိပက္ခ ဆက်လက်ဖြစ်ပွားနေခြင်း နှင့် လျှပ်စစ်ဓာတ်အားပြတ်တောက်မှုများကြောင့် စီးပွားရေး လုပ်ကိုင်မှုများ ဖရိုဖရဲ အလျဉ်ပြတ်ခြင်းသည် ဆက်လက်ဖြစ်ပေါ်နေမည်ဟု အစီရင်ခံစာက ဆိုထားသည်။

မြန်မာ့စီးပွားရေးသည် ၂၀၂၀ တွင် ကြီးထွားနှုန်း ၆% ရှိခဲ့ပြီးနောက် ၂၀၂၁ တွင် ၁၈% ကျုံ့သွားခဲ့သည်။
နဂိုက အတော်လျော့ကျနေခြင်းကြောင့် ၂၀၂၂ တွင် အလွန်နှေးကွေးသည့် ကြီးထွားနှုန်း ၃% ဖြစ်ပေါ်ခဲ့သော်လည်း အခြေအနေများသည် အားပျော့နေဆဲ ဖြစ်သည်။ 
"တိုးတက်မှုနှုန်းက ၂၀၁၉ မှာ ကျွန်တော်တို့ တွေ့ခဲ့ရတဲ့ အဆင့်နဲ့ မနီးစပ်ပါဘူး"ဟု ကမ္ဘာ့ဘဏ်အကြီးတန်းစီးပွားရေးပညာရှင် Kim Alan Edwards က အွန်လိုင်းသတင်းစာရှင်းလင်းပွဲတွင် ပြောကြားခဲ့သည်။

အခြားအခြားသော ထွန်းသစ်စ စီးပွားရေးနိုင်ငံများကဲ့သို့ပင် မြန်မာနိုင်ငံသည်လည်း ကန်ဒေါ်လာနှင့် ယှဉ်လျှင် ၎င်း၏ ငွေကြေး တန်ဖိုးကျဆင်းမှုနှင့် ရင်ဆိုင်နေရသည်။
ကန်ဒေါ်လာနှင့် ယှဉ္လျှင် ကျပ်ငွေတန်ဖိုးသည် ယမန်နှစ် ၂၀၂၂ ဇွန်လမှ ဒီဇင်ဘာလအတွင်း လေးပုံတစ်ပုံခန့် ကျဆင်းခဲ့သည်။ လွန်ခဲ့သည့် ၂ နှစ်က တန်ဖိုး၏ ထက်ဝက်အောက်သို့ ရောက်ရှိနေသည်။ စက်သုံးဆီ၊ စားသုံးဆီ ကဲ့သို့သော  မရမဖြစ် လိုအပ်သည့် ကုန်စည်များ တင်သွင်းရာတွင် ငွေလဲနှုန်းကြောင့် ကျပ်ဖြင့် ရောင်းချသည့်အခါ ဈေးပိုကြီးနေစေသည်။
ရေနံနှင့် သဘာဝဓာတ်ငွေ့ အပါအဝင် လူသုံးကုန်ပစ္စည်း အများအပြား စျေးနှုန်းကြီးမြင့်မှုနှင့် ပေါင်းစပ်လိုက်သောအခါ မြန်မာနိုင်ငံသည် ၂၀၂၂ ဇူလိုင်လတွင်  ငွေကြေးဖောင်းပွမှု ၂၀% နီးပါး ရှိခဲ့သည်ဟု အစီရင်ခံစာတွင် ဖော်ပြထားသည်။

မကြာသေးမီလများအတွင်း ကျပ်ငွေတန်ဖိုး တည်ငြိမ်နေသော်လည်း နိုင်ငံခြားငွေ ပြတ်တောက်မှုများ ဆက်လက်ရှိနေခြင်းနှင့် ခက်ခဲစေသော ကုန်သွယ်မှုဆိုင်ရာ ကန့်သတ်ချက်များ ပေါင်းဆုံနေခြင်းသည် စီးပွားရေးလုပ်ငန်းများကို ထိခိုက်‌နေစေသည်။
ကျပ်ငွေကို ထောက်ကူရန်နှင့် နိုင်ငံခြားသုံးငွေ အရန်ငွေများကို ကာကွယ်ရန်အတွက် ဗဟိုဘဏ်မှ ချမှတ်ထားသော ထိန်းချုပ်မှုများကို ဖြေလျှော့လိုက်ပြီဖြစ်ကြောင်း၊ ပို့ကုန်လုပ်ငန်းရှင်များအတွက် အကြွေးရယူရန် သို့မဟုတ် ၎င်းတို့၏ ၀င်ငွေများကို ဆက်လက်ထိန်းသိမ်းထားရန် ပိုမိုလွယ်ကူသွားစေကြောင်း ကမ္ဘာ့ဘဏ်မှ စီးပွားရေးပညာရှင်များက ပြောကြားသည်။
သို့သော် စျေးကွက်တန်ဖိုး ၂၈၀၀ ကျပ်ခန့်တွင် တစ်ဒေါ်လာလျှင် ၂,၁၀၀ ကျပ်နှုန်းဖြင့် နိုင်ငံခြားငွေကို တရားဝင်နှုန်းထားဖြင့် ကျပ်ငွေအဖြစ်သို့ ပြောင်းလဲရန် လုပ်ငန်းရှင်များနှင့် ပြည်သူအများအပြားတို့က လိုက်နာဆောင်ရွက်ကြရသည်။
စိုက်ပျိုးရေးနှင့် အထည်ချုပ်လုပ်ငန်းများ အခြေအနေ ပြန်လည်ကောင်းမွန်လာသည်ဟု အစီရင်ခံစာတွင် ဖော်ပြထားသည်။
အချို့သော လုပ်ငန်းများသည် လွတ်လွတ်လပ်လပ် ရှိသော ငွေပေးချေမှုများနှင့် ကုန်သွယ်မှုလမ်းကြောင်းများကို အသုံးပြုခြင်းဖြင့် လုပ်ငန်း  လည်ပတ်ရန် နည်းလမ်းများကို ရှာဖွေနေကြသည်။
တရုတ်နိုင်ငံနှင့် မြန်မာကုန်သွယ်မှုလမ်းကြောင်းများ ပြန်လည်ဖွင့်လှစ်ခြင်းသည်လည်း အထောက်အကူဖြစ်စေပါသည်။
သို့သော် ပြည်တွင်းပဋိပက္ခကြောင့် လုံခြုံရေးပြဿနာများ ဖြစ်ပေါ်နေသည့်အတွက် ကုန်စည်ပို့ဆောင်ရာတွင် နှောင့်နှေးမှုများနှင့် ကုန်ကျစရိတ် မြင့်တက်ခြင်း ဖြစ်ပေါ်နေသည်။

“မြန်မာ့ အခြေအနေကို လွယ်လွယ်နဲ့ ကုစားလို့ မရပါဘူး” ဟု Edwards က ပြောသည်။ 
ဖြစ်ပျက်နေတာတွေကို  ပွင့်လင်းမြင်သာမှု မရှိဘဲ ဖုံးကွယ်ထားကြောင်း ၎င်းက ပြောကြားသည်။ 
စည်းမျဉ်းများနှင့် စည်းမျဉ်းများသည် အချိန်မရွေး ပြောင်းလဲနိုင်ပြီး အချို့ကိုမျက်နှာသာပေးထားနိုင်ပြီး ကျန်သည့်သူများ မျက်နှာငယ်ကြရသည်ဟု သူက ဆိုသည်။
Source yahoo
TO GET INSTANT UPDATE 
Join Telegram Channel
https://t.me/Guid4U