Wave Money မှ တယ်လီနော ရှယ်ယာများကို Yoma Strategic Holdings ဝယ်ယူ

Wave Money သည် မြန်မာနိုင်ငံရှိ မိုဘိုင်းဘဏ္ဍာရေးဝန်ဆောင်မှုများကို ပံ့ပိုးပေးသူဖြစ်ပြီးနိုင်ငံ၏အကြီးဆုံးဘဏ္ဍာရေး ၀ န်ဆောင်မှုကွန်ယက်ကို လုပ်ကိုင်သည်။ ကိုယ်စားလှယ်ကွန်ယက်သည် သမားရိုးကျဘဏ်ခွဲများထက် ၁၆ ဆ ပိုများသည်။

စင်ကာပူစတော့အိတ်ချိန်းတွင်စာရင်းသွင်းထားသည့်မြန်မာနိုင်ငံ ဦးစားပေး စီးပွားရေးလုပ်ငန်း Yoma Strategic Holdings သည် Wave Money ၏ ၅၁ ရာခိုင်နှုန်းကို ပိုင်ဆိုင်ထားသော Telenor Group ထံမှ စုစုပေါင်းဒေါ်လာ ၇၆.၅ သန်းဖြင့် ဝယ်ယူခြင်းအားဖြင့် ၎င်း၏ အစုရှယ်ယာပိုင်ဆိုင်မှုကို တိုးမြှင့်ခြင်းနှင့် Wave Money ကို ထိန်းချုပ်ထားသည့်ရှယ်ယာများတိုးမြှင့်ခြင်းတို့ကို ပြုလုပ်သွားမည်ဖြစ်ကြောင်းသတင်းထုတ်ပြန် ကြေညာသည်။

Wave Money သည် တယ်လီနော၊ First Myanmar Investment၊ ရိုးမဘဏ်နှင့် Yoma Strategic Holdings တို့အကြား ဖက်စပ်လုပ်ကိုင်ပြီး တစ်နိုင်ငံလုံးရှိ ကိုယ်စားလှယ် ၃၃၀ အနက်မှ ၂၉၅ ခုရှိ မြို့ပြနှင့်ကျေးလက်ဒေသများတွင် Wave Shops များ ၅၈၀၀၀ ကျော်ရှိသည့်တစ်နိုင်ငံလုံး အကျိုးဆောင်ကွန်ယက်မှ မိုဘိုင်းငွေကြေးဝန်ဆောင်မှုများကို လုပ်ကိုင်ပေးသည်။အရောင်းအဝယ်အပြီးတွင် Wave သည် ရိုးမကုမ္ပဏီ၏ လက်အောက်ခံဖြစ်လာမည်ဖြစ်ပြီးနောက်ထပ် ဒေါ်လာ ၂၅ သန်းအထိ ထပ်မံရင်းနှီးမြှုပ်နှံရန် စီစဉ်ထားသည်။

မေလတွင် Ant Financial က ရှယ်ယာအသစ်များ ထုတ်ပေးခြင်းအားဖြင့် လူနည်းစုအစုရှယ်ယာရှင်ဖြစ်လာရန် Wave Money သို့ ဒေါ်လာ ၇၃.၅ သန်းရင်းနှီးမြှုပ်နှံမည် ဖြစ်ကြောင်းပြောကြားခဲ့သည်။ Ant Financial Services Group ကို ယခင်က Alipay ဟု လူသိများခဲ့ပြီး တရုတ်နိုင်ငံမှ Alibaba Group နှင့် နှီးနွှယ်သော လုပ်ငန်းစုလည်း ဖြစ်သည်။

အားတောင့်တင်းသော တိုးတက်မှု မျှော်လင့်

“ ဒီဝယ်ယူမှုဖြင့် ခိုင်မာတဲ့ဘဏ္ဍာရေးနည်းပညာဂေဟစနစ်ကို တည်ဆောက်ဖို့ဟာ ကျွန်တော်တို့ရဲ့ရည်မှန်းချက်ရဲ့အစိတ်အပိုင်းတစ်ခုဖြစ်ပါတယ်။ COVID-19 ကူးစက်ပျံ့နှံ့နေစဉ်ကာလအတွင်း Wave Money အနေဖြင့် ၎င်းရဲ့ အေးဂျင့်နှင့် ဒစ်ဂျစ်တယ်ပလက်ဖောင်းများရဲ့ တိုးတက်မှုကို ဆက်ထိန်းထားတာ ဆက်လက်တွေ့မြင်နေရတယ်။ Wave Pay ဟာ လည်း ပိုအခြေခိုင်ခဲ့တဲ့အပြင် အရှိန်တင်နိုင်ခဲ့ပြီး ငွေသားမဲ့ ပေးချေခြင်း အဖြေနည်းလမ်းကို ခံယူကျင့်သုံးတယ်
ခိုင်မာတဲ့စွမ်းအားကိုရရှိခဲ့တယ်" ဟု Yoma Strategic ၏အမှုဆောင်အရာရှိချုပ် Melvyn Pun က အဆိုပါသဘောတူညီချက်နှင့် ပတ်သက်၍ ပြောကြားခဲ့သည်။ ။

မြန်မာနိုင်ငံသည် လူလတ်တန်းစား တိုးများခြင်း၊ မြို့ပြဖွံဖြိုးခြင်းနှင့် နည်းပညာကျွမ်းကျင်သောလူဦးရေရှိသော်လည်း လူဦးရေ၏ အများစုမှာ ဘဏ်စာရင် းမရှိသေးပါ။ လျင်မြန်စွာကြီးထွားနေသော စီးပွားရေးနှင့် ရင်းနှီးမြှုပ်နှံသူများ၏ စိတ်ဝင်စားမှုကို ဆွဲဆောင်နိုင်ခဲ့ပြီး ဘဏ္ဍာရေးနည်းပညာနှင့် မိုဘိုင်းဖြေရှင်းချက်များသည် ဤတိုးတက်မှုအတွက်အရေးပါသောအခန်းကဏ္ဍမှပါဝင်လိမ့်မည်။

Wave ၏ အဆိုအရ ငွေလွှဲပြောင်းမှုပမာဏသည် ၂၀၁၉ ခုနှစ်တွင် တစ်နှစတ်ထက် တစ်နှစ် ၃ ဆ တိုးခဲ့သည်။ ကျပ် ၆.၄ ထရီလီယံ (ဒေါ်လာ ၄.၃ ဘီလီယံ) ရှိသည်။ အလားတူကာလအတွင်းဝင်ငွေနှင့်ငွေပေးငွေယူကြိမ်ရေများကိုလည်း သုံးဆတိုးခဲ့သည်။